NGAGA TAUKA BEEMPU RENGKA TAUKA UTAI KENA BEBULA TAUKA NUNDA MATA DUIT KERTAS TAUKA SURAT SEMPEKAT KENA BEBAYAR BA BANK – SEKSYEN 489D KANUN KESEKSAAN

Barang sapa ngaga , tauka bisi enggau ngambi bagi ngaga , tauka meli , tauka nyual , tauka meri , tauka bisi ngembuan , sebarang bilun , rengka ti tau di kena , tauka nemu , tauka bisi kebuah iya nemu iya nya utai nya sigi ka di kena , ke tuju ka bebula tauka nunda sebarang mata duit kertas tauka surat sempekat ba bank tau kena hukum jel sampai timpoh sepengelama dua puluh tahun lalu tau mega di hukum ngena mata duit.

BEEMPU MATA DUIT KERTAS TAUKA SURAT SEMPEKAT BEBAYAR BA BANK TI DIGAGA NGENA JALAI BEBULA TAUKA NUNDA – SEKSYEN 489C KANUN KESEKSAAN

Barang sapa bisi di temu beempu sebarang mata duit kertas tauka surat sempekat bebayar ba bank ti endang di gagag ngena jalai bebula tauka nunda , tauka endang udah nemu utai nya digaga ngena jalai bebula tauka nunda lalu ka beguna ka utai nya baka iya ke bendara tau kena hukum jel ti sampai timpoh sepengelama sepuluh tahun

NGENA MATA DUIT KERTAS ENGGAU SURAT SEMPEKAT BEBAYAR BA BANK TI DIGAGA NGENA JALAI BEBULA TAUKA ULIH NUNDA – SEKSYEN 489B KANUN KESEKSAAN.

Barang sapa di temu nyual ngagai orang bukai , tauka meli , tauka nerima ari orang bukai , tauka ba jako bukai berdagang tauka ngena duit nya baka ke ngena iya ke bendar , sebarang mata duit kertas , tauka surat sempekat bebayar ba bank ti digaga ngena jalai bebula tauka nunda , lalu nemu tauka bisi kebuah iya nemu endang sigi utai ulih bebula tauka nunda tau kena hukum jel sampai timpoh dua puluh tahun lalu tau mega kena hukum ngena mata duit.

BEBULA TAUKA NUNDA DUIT KERTAS TAUKA SURAT SEMPEKAT BEBAYAR BA BANK – SEKSYEN 489A KANUN KESEKSAAN

Barang sapa ngereja pengawa bebula tauka nunda , tauka iya nemu diri bisi enggau ngereja pengawa bebula tauka betunda, ka sebarang mata duit kertas tauka surat sempekat bebayar ba bank tau kena hukum jel selama timpoh ti sampai dua puluh tahun lalu tau mega kena hukum ngena mata duit.

Jako Tangkan 1
Ba reti Seksyen tu enggau Seksyen 489B, 489C enggau 489D Kanun Keseksaan reti jako “Surat Sempekat Bebayar Ba Bank” retinya surat semaia leboh berhutang tauka semaia bebayar ka duit ngagai orang ti gawa ba bank nitih ke patut leboh diminta, ti di keluarkan oleh orang ti bejalai ke pengawa ba bank di sebarang endor dalam dunya tu, tauka di keluarka olih tauka di beri kuasa olih siti menua tauka kuasa ti nitih ka undang undang, serta tau di kena sama baka duit tauka tau nyadi ka ganti duit.

Jako tangkan 2
Ba reti Seksyen tu enggau Seksyen 489B, 489 C enggau 489D leka jako “mata duit kertas” iya nya semua bansa duit kertas (enda ngira apa bansa enggau penatai menua duit nya) ti agi laku di kena orang bejual serta bebeli leboh ke bedagang nitih ka undang undang menua ti ngeluar ka mata duit nya

DUIT KERTAS ENGGAU SURAT SEMPEKAT BEBAYAR BA BANK

UNDANG UNDANG KE NADAI DI KENA AGI BA KANUN KESEKSAAN

SEKSYEN 478 KANUN KESEKSAAN (NADAI AGI/UDAH DIBUAI)

SEKSYEN 479 KANUN KESEKSAAN (NADAI AGI/UDAH DIBUAI)

SEKSYEN 480 KANUN KESEKSAAN (NADAI AGI/UDAH DIBUAI)

SEKSYEN 481 KANUN KESEKSAAN (NADAI AGI/UDAH DIBUAI)

SEKSYEN 482 KANUN KESEKSAAN (NADAI AGI/UDAH DIBUAI)

SEKSYEN 483 KANUN KESEKSAAN (NADAI AGI/UDAH DIBUAI)

SEKSYEN 484 KANUN KESEKSAAN (NADAI AGI/UDAH DIBUAI)

SEKSYEN 485 KANUN KESEKSAAN (NADAI AGI/UDAH DIBUAI)

SEKSYEN 486 KANUN KESEKSAAN (NADAI AGI/UDAH DIBUAI)

SEKSYEN 487 KANUN KESEKSAAN (NADAI AGI/UDAH DIBUAI)

SEKSYEN 488 KANUN KESEKSAAN (NADAI AGI/UDAH DIBUAI)

SEKSYEN 489 KANUN KESEKSAAN (NADAI AGI/UDAH DIBUAI)

BEBULA KA PENYAMPAU DUIT KIRA KIRA – SEKSYEN 477A KANUN KESEKSAAN

Barang sapa ti gawa nyadi kerani , pemesai opis tauka orang gaji , tauka orang ti di beri kerja tauka berkerja nyadi kerani, pemesai opis tauka orang gaji, lalu enggau sengaja ketegal niat ti ka nipu , muai , ngubah , ngerusak , tauka bebula ka sebarang surat , tulis , chagaran ti berega, tauka kira kira ti di empu tauka bisi di empu pengaji iya , tauka enggau sengaja lalu enggau niat ka nipu , ngaga tauka bepekat ngaga sebarang utai tulis ti bebula ka utai ke bendar , tauka enda nulis utai ke bendar , tauka ngubah tauka bepekat enda nulis utai ke bendar , tauka ngubah semua utai ke patut dalam sebarang bup , surat , tulis , chagaran ti berega , tauka kira kira nya , tau kena hukum jel selama timpoh sampai tujuh tahun lalu tau mega kena hukum ngena mata duit, lalu tau mega kena hukum kedua dua iya sekali

Jako Tangkan
Nitih ka tuduh ba seksyen tu iya nuduh ba semua utai ti enggau tuju ka nipu enggau enda iboh nybut nama orang ti ka di tipu tauka pemaioh duit ti ka di tipu , tauka maia hari ti ka di tipu leboh penyalah nya di kerja.

NGENA CHARA NIPU MADAM, MUAI TAUKA UTAI BUKAI PASAL SURAT NYERAH KA RETA – SEKSYEN 477 KANUN KESEKSAAN

Barang sapa ngena jalai nipu , tauka ngena jalai ti salah, tauka ngena niat ka ngerusak tauka ngenyai ka surat orang bukai, ngemadam, ngerusak, tauka ngelalai , tauka nguji ngelalai ka sebarang surat ti tau nyadi, tauka nyadi ka surat nyerah ka reta, tauka kuasa kena beempu anak iru, tauka sebarang chagaran ti berega, tauka ngenyai ka surat nya ka kena hukum jel sepengelama timpoh ti sampai dua puluh tahun lalu tau mega kena hukum ngena mata duit.

NUNDA ALAI ENDOR DIAU TAUKA TANDA TI DI KENA NENTU KA PENATAI SURAT BUKAI KELIMPAH ARI KE DI SEBUT BA SEKSYEN 467 KANUN KESEKSAAN , TAUKA BEEMPU RETA

Barang sapa nunda sebarang alai endor diau tauka tanda ti tau kena nentu ka penatai surat ke bukai nitih ke ba Seksyen 467 Kanun Keseksaan , ketegal ti awak ka alai endor diau nya nyadi baka alai endor diau ke bendar ti tau alai surat ulih datai, alai bebula ke utai nya lalu bebula ka utai ti di kerja nitih ke ba alai diau nya, tauka barang sapa ti bisi niat beempu alai diau ti endang di temu iya bula ka kena hukum jel sampai tujuh tahun lalu tau mega kena hukum ngena mata duit.

NUNDA ALAI ENDOR DIAU TAUKA TANDA TI DI KENA NENTU KA PENATAI SURAT NITIH KA SEKSYEN 467 KANUN KESEKSAAN , TAUKA BEEMPU UTAI TI BISI TANDA ULIH NUNDA

Barang sapa nunda alai endor diau ba sebarang utai ke tau alai surat olih datai tauka tanda nitih ka ba Seksyen 467 Kanun Keseksaan ketegal ngambi ka alai endor diau nya tau diguna nyadi ke tanda ngambi ke gaya alai endor diau nya baka iya ke bendar lalu tau alai surat ulih datai di kena ngemula ka utai nya leboh tekala nya tauka leboh maia bukai kena bebula ke utai nya , tauka barang sapa ti bisi ngembuan lalu nunda alai endor diau ti endang di temu iya ulih nunda ka kena hukum jel sampai timpoh tujuh tahun lalu tau mega kena hukum ngena mata duit.

NGEMBUAN SURAT JAMIN TI BEREGA TAUKA SURAT PEMENDAR NYERAH KA RETA TI DITEMU BULA ENGGAU NIAT KA BEGUNA KA IYA BAKA UTAI KE BENDAR – SEKSYEN 474 KANU

Barang sapa ngembuan sebarang surat lalu nemu nya endang surat bula enggau niat ka beempu iya kena nipu ngena jalai ti salah ngambi ke iya baka surat ke bendar lalu enti surat nya siti ari surat nitih ke ba seksyen 466 kanun keseksaan tau kena hukum jel selama timpoh ti sampai tujuh tahun lalu tau mega kena hukum ngena mata duit, lalu enti surat nya siti ari surat ke di sebut nitih ke ba seksyen 467 kanun keseksaan iya tau kena hukum jel sepengelama timpoh ti sampai dua puluh tahun lalu tau mega kena hukum ngena mata duit.

NGEMBUAN CHAP, PLAT KENA NUNDA TAUKA UTAI BUKAI KETEGAL NIAT KA NGEREJA PENGAWA BEBULA TI TAU DI HUKUM NITIH KA SEKSYEN BUKAI BA KANUN KESEKSAAN – SEK

Barang sapa ti ngaga tauka nunda sebarang chap, plat tauka sebarang rengka bukai ti tau kena ngaga tauka nyelak leka jako enggau niat ngambi ka tau di kena ngereja pengawa bebula nitih hukum ba seksyen bukai nitih ke undang undang tu selain ari Seksyen 467 Kanun Keseksaan, tauka barang sapa ti bisi beempu sebarang chap , plat tauka ti endang di temu utai ulih nunda ka kena hukum jel selama timpoh tujuh tahun lalu tau mega kena hukum ngena mata duit.

NGEMBUAN CHAP, PLAT KENA NUNDA TAUKA UTAI BUKAI KETEGAL NIAT KA NGEREJA PENGAWA BEBULA TI TAU DI HUKUM NITIH KA SEKSYEN 467 KANUN KESEKSAAN.- SEKSYEN

Barang sapa ti ngaga tauka nunda sebarang chap, plat tauka sebarang rengka bukai ti tau kena ngaga tauka nyelak leka jako enggau niat ngambi ka tau di kena ngereja pengawa bebula nitih hukum ba seksyen 467 kanun keseksaan , tauka barang sapa ti bisi niat lalu ngembuan sebarang chap, plat tauka sebarang rengka ti endang di temu iya utai ulih nunda ka kena hukum jel sampai dua puluh tahun lalu tau mega kena hukum ngena mata duit.

NGENA SURAT BULA NYADI KE SURAT TI BENDAR – SEKSYEN 471 KANUN KESEKSAAN

Barang sapa di temu nipu tauka ngena jalai ti salah ngena surat bula nyadi ke surat ke bendar ti endang di temu iya tauka di sangka surat bula ka di hukm sebaka baka iya ti ngereja pengawa bebula ke utai ba surat nya.

SURAT BULA – SEKSYEN 470 KANUN KESEKSAAN

Siti surat bula, baik ka semua utai ke ditulis dalam surat nya tuaka sebagi ari utai ti di tulis dia di temu bula ka dikumbai kitai Surat Bula.

BEBULA KETEGAL TI KA BEJAI KA NAMA ORANG BUKAI – SEKSYEN 469 KANUN KESEKSAAN

Barang sapa ti ngereja pengawa bebula ngena chara ngambi ke surat nya tau bejai ka nama orang bukai ti endang di kelala iya tau kena hukum jel sepengelama sampai tiga tahun lalu tau mega kena hukum ngena mata duit

BEBULA NGENA SURAT KETEGAL TI KA NIPU – SEKSYEN 468 KANUN KESEKSAAN

Barang sapa ti ngereja pengawa bebula ketegal ngambi ka surat bula nya di kena nipu ka kena hukum jel selama timpoh ti sampai tiga tahun lalu tau mega kena hukum ngena mata duit.

BEBULA KA SURAT JAMIN TAUKA SURAT PEMENDAR NYERAH KA RETA – SEKSYEN 467 KANUN KESEKSAAN

Barang sapa ti di temu bebula ke utai baka tu ngena surat ti tau nyadi ke chagaran ti berega tauka surat pemendar nyerah ka reta, tauka surat pemendar meri anak lelaki ambi ke di iru orang bukai, tauka meri kuasa ke orang bukai ti tau betukar tauka ngaga jamin reta ti berega, tauaka tau nerima mata duit, untong mata duit taua ulih nerima tauka nyerah ke mata duit, reta ti tau di pindah kin kitu tauka bejamin ka reta ti berega, tauka sebarang surat ti tau ngasoh nerima bayar duit, tauka betelesai ka pengawa, tauka resit laban ti udah nyerah kesebarang reta ti tau di pindah kin kitu ketegal bejamin ka utai ti berega, ka kena tinggang hukum jel ti tau sampai pengelama dua puluh tahun, lalu tau mega kena hukum ngena mata duit.

BEBULA KA REKOD COURT TAUKA REKOD REJISTER PENGADA ORANG MAIOH – SEKSYEN 466 KANUN KESEKSAAN

Barang sapa di temu bebula ngaga surat ti nyadi ke rekod tauka Atur Pechara siti siti Court, tauka Rejister Pengad, Baptisa, Bejadi Melaki Bini, tauka Pendam, taua nyadi ke siti rejister ti patut di simpan orang ti kerja perintah nitih ka udang undang tauka nyadi ke siti surat kena ngaku pengawa nya tauka surat mandang madah ke pengawa nya baka ke bendar udah di gaga orang ti kerja perintah nitih ke pengawa enggau pangkat ti patut di pegai iya, tauka kuasa iya ngereja pengawa pengawa nyadi lawyer ngari ka orang bicara , tauka bejalai ka pengawa bicara ba court, tauka sanggup nerima apa bansa hukum ba court, tauka diberi kuasa nyadi ke pengari, ka kena tinggang hukum jel ti sampai timpoh tujuh tahun lalu tau mega kena hukum ngena mata duit.

HUKUM KETEGAL NGAGA SEMPEKAT BULA– SEKSYEN 465 KANUN KESEKSAAN

Barang sapa di temu ngereja penyalah ngaga surat sempekat bula ka kena tinggang hukum jel sampai timpoh dua tahun tauka di hukum ngena mata duit tauka kedua dua iya sekali.

NGAGA SURAT SEMPEKAT TI BULA – SEKSYEN 464 KANUN KESEKSAAN

Orang ti di kumbai kitai ngaga surat sempekat ti bula iya nya :-
(a) enti iya enggau niat ati ti salah tauka ngena chara nipu ngaga, tauka ngaga chelak jari, tauka ngechap, tauka bejalai ka sebarang surat tauka sebarang bagi ba surat nya, tauka ngaga sebarang tanda ti nunjuk ka surat nya baka surat ke bendar, ketegal niat ati ti ngambi ka suratnya tauka sebarang bagi ari suratnya tau dikumbai iya ke bendar, dichelak jari, tauka dichap tauka udah nyadi baka surat ke bendar oleh orang ke patut ngaga suratnya, tauka nitih ka maia suratnya patut digaga, dichelak jari, tauka dichap tauka dipejalai ka. Tauka:
(b) enti iya nadai kuasa nitih ka undang undang lalu enggau chara ke enda patut tauka ka nipu , ngubah ngena chara madam ka jako sempekat ba suratnya tauka ngena chara bukai, ba siti surat sempekat ngubah jako ke beguna ba sempekatnya, udah surat sempekat nya tembu digaga tauka udah diserah ngagai orang ke patut nerima tauka beempu surat sempekat nya sekali ka diserah oleh iya empu tauka nolih orangbukai, sekali ka orang nya agi idup tauka udah mati leboh maia ke ngubah jako ba surat sempekat nya , Tauka;
(c) enti iya ngena chara ti enda patut tauka ngena chara nipu ngasoh orang nya ngaga chelak jari, ngechap, bejalai ka tauka ngubah siti surat sempekat, lalu iya empu nemu orang nya ti enda tentu menyana runding tauka ke tegal orang nya ti mabuk, enda nemu utai , tauka orang nya di umbok ngena chara ngelakar lalu iya enda nemu diri pasal jako sempekat ba surat nya tauka jako ke udah di ubah ba surat sempekat nya.

SEMPAMA
(a) A bisi siti surat hutang ke ditulis Z ti madah ka B patut mayar RM1,000.00. A ketegal ti ka nipu B, nambah ka penyampau anak duit nya ngagai 1,000 kali lalu nambah ka hutang nya nyadi ke RM10,000.00, enggau niat ngambi ka B percaya Z udah ngaga surat nya. A udah salah ngaga surat sempekat ti bula.
(b) A ti nadai pemendar ari Z ngechap chop Z ba siti surat ti madah ke betukar nama ba sebidang tanah ti di empu Z nagai A, ketegal ti ka nyual tanah nya ngagai B, lalu ngena chara nya iya ka bulih bayar rega tanah nya ari B. A udah salah ngaga surat sempekat ti bula
(c) A ngambi siti cek ti patut di serah ngagai siko penyali duit ti udah di chelak jari oleh B , ti tau di bayar ngagai orang ti mai cek nya tang penyampau duit nadai di tulis ba cek nya A ngena chara nipu lalu nulis ba cek nya penyampau duit RM1,000.00. A udah salah ngaga surat sempekat ti bula
(d) A ninggal ka ba B, ti gawa nyadi siko ejen, siti cek ti patut di serah ka ngagai siko penyali duit ti udah di chap chelak jari oleh A, lalu nadai di tulis penyampau duit ke patut dibayar lalu meri pemendar ngagai B nulis ba cek nya penyampau duit enda tau lebih ari RM1,000.00 kena iya bebayar ke semua utai. B lalu nipu nulis ba cek nya penyampau duit RM10,000.00. B udah salah ngubah sempekat ke patut.
(e) A nulis siti bil kena bebayarr ke utai ke kena iya empu ngena nama B enggau nadai pemendar ari B ketegal ti ka ngena nya nyadi ka siti bil ti tau kena ngulih ka duit ari siko penyali duit ngena chara ti tau di bayar pupok, lalu iya ka nebus ngambi bil nya pulai baru lalu myar duit ke kena iya nya pulai ti tempoh iya nyau datai. Ba pengawa baka tu laban A udah nulis bil nya laban ti ka ngemula ka penyali duit ngena chara ngambi ka penyali duit nya percaya ka iya bisi jamin ari B serta ketegal nya iya mayar bil nya ngena chara pupok, lalu A udah salah ngaga sempekat ti bula.
(f) Surat Bebagi Reta Z bisi nyebut jako baka tu “Aku ngemendar ka semua reta aku ti tinggal di bagi sama bela antara A, B, enggau C.” A enggau chara ke salah lalu madam ke nama B, ketegal ti ka ngarap ka semua reta nya tau di empu iya engau C aja. A udah salah ngaga surat sempekat ti bula
(g) A ngaga surat sempekat berhutang lalu tau di bayar ngagai Z , tauka enggau pemendar nulis ba surat nya baka tu “ Bayar ngagai Z, tauka ari pemendar iya,” lalu ngaga chelak jari ba surat sempekat nya. B ngena chara ke salah madah ka leka jako “Bayar ngagai Z, tauka ari pemendar iya,” lalu “ari Z enggau pemendar iya “nya ngena chara ke baka nya lalu nyadi ka jako ke begenteran puang. B udah salah ngubah surat sempekat nya.
(h) A nyual lalu nukar nama beempu tanah nya ngagai Z. A lalu ka ngambi tanah nya pulai baru ketegal ti ka nipu Z. A lalu ngubah nama orang ti beempu tanah nya ngagai B enam bulan dulu agi ari surat ke udah digaga iya ngagai Z ngambi ke Z arap ke surat nya udah digaga iya dulu agi sebedau iya nukar nama beempu tanah nya suba ngagai Z. A udah ngaga surat sempekat bula.
(i) Z madah ke jako bebagi reta iya ngagai A lalu ngarap ke jako nya ditulis. A enggau sengaja nulis nama orang bukai ti enda patut nerima reta iya nitih ka disebut Z lalu madah ngagai Z udah ngaga surat nitih ke padah Z nya tadi. A udah ngaga surat sempekat ti bula.
(j) A ngaga siti surat lalu ngaga chelak jari ngena nama B enggau nadai pemendar ari B, ti madah ke A nya orang ti manah perangai serta ulah dalam penusah maia bebadi , ketegal ti ngena surat nya iya tau bulih tulong tauka duit pampas ari Z tauka orang bukai. Ba tu laban A udah ngaga siti surat bula ngambi ka Z tau nyerah ka reta tauka duit iya. A udah salah ngaga surat bula.
(k) A enggau nadai pemendar ari B lalu ngaga siti surat lalu ngaga chelak jari ngena nama B ti madah ka jako ti madah ka perangai enggau ulah A ngambi ka ngena surat nya iya tau bulih pengawa ari Z. A udah ngaga surat bula laban ketegal nya iya udah ngemula ka Z ngena jako ba surat nya ti tau ngasoh ati Z lalu nerima iya gawa tau ngaga siti kontral nerima iya gawa sekali ka secara nyata tauka bisi.

Jako Tangkan 1 –
Chelak jari ke di tulis ngena nama orang nya empu mega tau di kumbai nyadi ke pemula.

SEMPAMA
(a) A ngaga chelak jari iya empu ba siti surat bil meli barang ngambi ka orang percaya ke surat bil meli brang nya di tulis orang bukai ke sama tamang nama enggau iya. A udah ngaga surat bula.
(b) A nulis jako “diterima” ba siti surat ti di tulis iya ngena nama Z ambi ka B ila tau nulis nama Z ba surat bil meli barang ngambi ke Z ila mayar ngagai B lalu orang ke bebeli ke utai nya baka ke di kerja Z. A udah salah ngaga surat bula. Lalu enti B nemu A ngaga surat bula nya reti nya B pan sama bepekat enggau A ngaga surat bula.
(c) A tetemu ka siti surat bil meli barang ti tau di bayar orang bukai ke sama tamang nama enggau iya. A lalu nulis ba bil nya ngena chelak jari nama iya empu ngambi ka orang percaya ka surat bil meli branag nya di tanda chelak jari olih orang ti patut nitih ka ba surat bil meli barang nya. A udah salah ngaga surat sempekat bula.
(d) A meli sebidang tanah ke di jual nitih ke udang undang ari B. Udah tanah nya di ambi, B lalu enggau Z ngaga surat serta besempekat madah ke tanah nya udah dipajak ngagai Z serta nyewa tanah nya betimpoh ti panjai, lalu maia surat sempekat nya enam bulan lebih tumu ari sebedau tanah nya dijual ngagai A ketegal ti ka nipu A ngambi ka pajak tanah nya sigi udah sebedau tanah nya diempu B taja pan iya ngaga surat pajak nya ngena nama iya empu lalu ka dikumbai ngaga surat sempekat bula laban ngubah maia ba surat nya ari utai ke bendar.
(e) A siko orang dagang ti ngumbai diri empu enda ulih mayar semua hutang iya serta ka bankrupt lalu nyimpan semua reta iya ambi ke di simpan B ke penguntong A empu.lalu enggau niat ka nipu orang ke alai iya berhutang, lalu ngambi ke pengawa baka nya di kumbai orang bendar, lalu digaga iya siti surat semaia berhutang ti madah ke iya mesti bebayar ngagai B ke rega barang ke diterima iya ari B, lalu ngaga maia hari bulan sempekat nya dulu agi ari maia A ti di kumbai enda ulih mayar hutang iya nya tauka ka di kumbai bankrupt. A salah laban udah ngaga surat sempekat bula ba pengawa tu.ka di kumbai ngagag surat sempekat bula.

Jako Tangkan 2 –
Ngaga siti surat sempekat bula ngena nama orang ti ulih nempa , ngambi ke surat nya di kumbai bendar udah digaga olih orang ke benama ba surat nya sekali ka agi idup, udah mati ngambi ka percaya ngumbai surat nya amat udah digaga sebedau orang nya mati

SEMPAMA
A nulis siti surat bil meli barang ke ngena nama orang bukai ti ulih iya nempa, lalu ngena chara nipu nerima barang ngena nama orang nya ketegal niat ti ka berdagang ka iya. A udah di temu nipu.

BEBULA SURAT SEMPEKAT - SEKSYEN 463 KANUN KESEKSAAN

Barang sapa ngaga surat tauka ngambi bagi enggau ngaga surat sempekat bula ketegal ti ka ngaga pengerusak enggau penusah tauka pengerugi ngagai orang maiohi tauka ngagai orang siko siko, tauka ngambi ka ngemendar ka kuasa tau beempu reta , tauka ka ngambi ke orang bukai nadai kuasa beempu reta nya agi tauka ngaga sebarang sempekat ke nyata tauka ke bendar, tauka enggau niat ka nipu tauka ngambi ka ulih ditipu, ka dikumbai ngereja penyalah ngaga surat sempekat bula.Barang sapa ngaga surat tauka ngambi bagi enggau ngaga surat sempekat bula ketegal ti ka ngaga pengerusak enggau penusah tauka pengerugi ngagai orang maiohi tauka ngagai orang siko siko, tauka ngambi ka ngemendar ka kuasa tau beempu reta , tauka ka ngambi ke orang bukai nadai kuasa beempu reta nya agi tauka ngaga sebarang sempekat ke nyata tauka ke bendar, tauka enggau niat ka nipu tauka ngambi ka ulih ditipu, ka dikumbai ngereja penyalah ngaga surat sempekat bula.

BAGI XVIII PENYALAH BESANGKUT PAUT ENGGAU SURAT, DUIT KERTAS ENGGAU SURAT SEMPEKAT BEBAYAR BA BANK

HUKUM ENTI PENYALAH NYA DI KERJA ORANG TI DI KE ARAP KA NGIBUN RETA NYA

SEKSYEN 462 KANUN KESEKSAAN

Barang sapa ti udah di ke arap ka ngibun reta, ti di simpan dalam sarang utai ti betutup ke bisi isi ti disangka ka bisi reta ti berega, lalu enggau nadai pemendar iya tau muka sarang utai nya, tauka ketegal ti kurang penyiru, tauka sigi sengaja ka ngerusak sarang utai nya, ngemechah tauka muka sarang utai nya , ka kena hukum jel sampai timpoh tiga tahun, tauka di hukum ngena mata duit, tauka kedua dua iya sekali.

ENGGAU SENGAJA NGEMECAH KA SARANG UTAI TI BETUTUP TI BISI ISI TI DISANGKA KA BISI RETA KE BEREGA

SEKSYEN 461 KANUN KESEKSAAN

Barang sapa ti nadai penyiru , tauka enggau sengaja ka ngenyai ka utai, ngemecah ka utai, tauka muka sebarang sarang utai ti betutup ke bisi isi ti disangka ka bisi reta ti berega, ka kena hokum jel sampai timpoh ti mangai dua tahun, tauka di hukum ngena mata duit, tauka kedua dua iya sekali.

SEMUA ORANG KE SAMA BISI ENGGAU NYERUNGKAI RUMAH TAUKA PENYALAH KE BEKAUL ENGGAU NYA, TAU DIHUKUM JEL KETEGAL TI NGASOH ORANG BUKAI MATI, TAUKA BALAT

SEKSYEN 460 KANUN KESEKSAAN

Enti leboh ngereja penyalah tama rumah enda beradat serta belalai leboh malam hari, tauka leboh ti nyerungkai rumah leboh malam hari, orang ti ngereja penyalah nya enggau sengaja nguji ka munoh orang bukai, tauka ngemakal ka enggau balat ngagai orang bukai, nyadi setiap iko sida ti sama bisi enggau tama rumah enda beradat nya ngena chara belalai leboh malam hari, tauka nyerungkai rumah leboh malam hari, ka kena hukum jel sampai timpoh dua puluh tahun, lalu tau mega kena hukum ngena mata duit.

BALAT NGEMAKAL KE ORANG BUKAI KETEGAL TI NGEREJA PENYALAH TAMA RUMAH ENDA BERADAT NGENA CHARA BELALAI TAUKA NYERUNGKAI RUMAH

SEKSYEN 459 KANUN KESEKSAAN

Barang sapa leboh ti tama rumah enda beradat ngena chara belalai, tauka nyerungkai rumah, lalu balat ngemakal ke orang bukai, tauka ka munoh orang bukai, tauka balat ngemakal ka orang bukai, ka kena hukum jel sampai timpoh dua puluh tahun, lalu tau mega di hukum ngena mata duit lalu tau mega di hukum sipat ngena rotan.

TAMA RUMAH ENDA BERADAT NGENA CHARA BELALAI LEBOH MALAM HARI KETEGAL TI UDAH NYENDIA KEDIRI KA NGEMEDIS TAUKA NGEMAKAL KA ORANG BUKAI

SEKSYEN 458 KANUN KESEKSAAN

Barang sapa ti di temu salah tama rumah enda beradat ngena chara belalai leboh malam hari ketegal ti udah nyendia kediri ka ngemedis ka orang bukai, tauka ka ngemakal ka orang bukai, tuaka ka nyerang orang bukai, tauka ketegal ti ka nagang orang bukai ngena chara ti salah, tauka ngenakut ka orang bukai, iya nya orang nya ka diserang tauka ditanggang ngena jalai ti salah ka kena hukum jel ti sampai timpoh empat belas tahun, lalu tau mega di hukum ngena mata duit lalu tau mega kena hukum sipat ngena rotan.

PENYALAH NITIH KE SEKSYEN 453, 454,456 TAUKA 457 TAU DIHUKUM SIPAT NGENA ROTAN UDAH BEKAU IYA TI NGEREJA PENYALAH TI KETERUBAH IYA ARI NYA.

SEKSYEN 457A KANUN KESEKSAAN

Barang sapa ti udah ditemu salah ba court nitih ke undang undang ba seksyen 453, 454, 456 tauka 457, udah nya iya ditemu salah baru ngereja penyalah nitih ke sebarang bagi ari empat iti seksyen ke disebut ba seksyen tu ka dikumbai kitai udah ngereja penyalah ke kedua kali nitih ke seksyen tu lalu ka dihukum nitih ke penerang ba seksyen nya mega.

HUKUM KETEGAL TI TAMA RUMAH ENDA BERADAT NGENA CHARA BELALAI KETEGAL TI KA NYERUNGKAI RUMAH LEBOH MALAM HARI TAUKA KETEGAL TI NGEREJA PENYALAH TI T

SEKSYEN 457 KANUN KESEKSAAN

Barang sapa ti di temu salah tama rumah enda beradat ngena chara belalai tauka ketegal ti ka nyerungkai rumah leboh malam hari tauka ketegal ti ka ngereja penyalah ti tau di hukum jel , ka kena hukum jel sampai timpoh lima tahun lalu tau mega di hukum ngena mata duit. Lalu enti penyalah ti dikerja iya nya menchuri lalu timpoh jel nya tau di panjai ka ngagai pengelama sampai ke empat belas tahun, lalu enti penyalah nya penyalah ti kali kedua, iya mega tau kena hukum sipat ngena rotan.

HUKUM KETEGAL TI TAMA RUMAH ENDA BERADAT NGENA CHARA BELALAI TAUKA KETEGAL TI KA NYERUNGKAI RUMAH LEBOH MALAM HARI

SEKSYEN 456 KANUN KESEKSAAN

Barang sapa ti di temu salah tama rumah enda beradat ngena chara belalai tauka ketegal ti ka nyerungkai rumah leboh malam hari tau dihukum jel sampai timpoh tiga tahun, lalu tau mega di hukum ngena mata duit. Lalu ke penyalah ti kedua kali tauka sepengudah nya iya ka kena hukum jel lalu tau mega di sipat ngena rotan.

TAMA RUMAH ENDA BERADAT NGENA CHARA BELALAI KETEGAL TI UDAH NYENDIA KEDIRI KA NGEMEDIS TAUKA NGEMAKAL KA ORANG BUKAI

SEKSYEN 455 KANUN KESEKSAAN

Barang sapa ti di temu salah tama rumah enda beradat ngena chara belalai ketegal ti udah nyendia kediri ka ngemedis, tauka ka ngemakal, tuaka ka nyerang, tauka ketegal ti ka nagang orang bukai ngena chara ti salah, tauka ngenakut ka orang bukai ka kena hukum jel ti sampai timpoh sepuluh tahun, lalu tau mega di hukum ngena mata duit lalu tau mega kena hukum sipat ngena rotan.

HUKUM KETEGAL TI TAMA RUMAH ENDA BERADAT NGENA CHARA BELALAI KETEGAL TI KA NGEREJA PENYALAH TI TAU DI HUKUM JEL

SEKSYEN 454 KANUN KESEKSAAN

Barang sapa ti di temu salah tama rumah enda beradat ngena chara belalai tauka ketegal ti ka nyerungkai rumah, tauka ka ngereja penyalah ti tau di hukum jel , ka kena hokum jel sampai timpoh tiga tahun lalu tau mega di hukum ngena mata duit. Lalu enti penyalah ti dikerja iya nya menchuri lalu timpoh jel nya tau di panjai ka ngagai pengelama sampai ke sepuluh tahun, lalu enti penyalah nya penyalah ti kali kedua iya mega tau kena hukum ngena mata duit lalu tau mega kena hukum sipat ngena rotan.

HUKUM KETEGAL TI TAMA RUMAH ENDA BERADAT NGENA CHARA BELALAI TAUKA KETEGAL TI KA NYERUNGKAI RUMAH

SEKSYEN 453 KANUN KESEKSAAN

Barang sapa ti di temu salah tama rumah enda beradat ngena chara belalai tauka ketegal ti ka nyerungkai rumah tau dihukum jel sampai timpoh enda kurang ari dua tahun, lalu tau mega di hukum ngena mata duit. Lalu ke penyalah ti kedua kali tauka sepengudah nya iya ka kena hukum jel lalu tau mega di sipat ngena rotan

TAMA RUMAH ENDA BERADAT UDAH TI NYENDIA KEDIRI KA NGEMEDIS TAUKA NGEMAKAL KA ORANG BUKAI

SEKSYEN 452 KANUN KESEKSAAN

Barang sapa ti di temu salah tama rumah enda beradat udah iya ti nyendia kediri ka ngemedis tauka ka ngemakal ka orang bukai, ngena chara nyerang, tauka nagang orang bukai ngena chara ti salah, tauka ngena chara ka ngenakut ka orang bukai madah kediri ka ngemedis, ngemakal, tauka nyerang orang bukai , lalu orang nya ngereja penyalah tu
tau dihukum jel sampai timpoh enda kurang ari tujuh tahun, lalu tau mega di hukum ngena mata duit.

TAMA RUMAH ENDA BERADAT SAMPAI KA NGEREJA PENYALAH TI TAU DIHUKUM JEL

SEKSYEN 451 KANUN KESEKSAAN

Barang sapa ti di temu salah tama rumah enda beradat sampai ka iya ngereja penyalah ti
tau dihukum jel sampai timpoh enda kurang ari dua tahun, lalu tau mega di hukum ngena mata duit. Tang enti penyalah nya baka penyalah menchuri, pengelama orang salah nya kena jel tau dipanjai sampai ke tujuh tahun.

TAMA RUMAH ENDA BERADAT SAMPAI KA NGEREJA PENYALAH TI TAU DIHUKUM JEL SEUMUR HIDUP

SEKSYEN 450 KANUN KESEKSAAN

Barang sapa ti di temu salah tama rumah enda beradat sampai ka iya ngereja penyalah ti
tau dihukum jel seumur hidup ka kena hukum jel sampai timpoh enda kurang ari sepuluh tahun, lalu tau mega di hukum ngena mata duit.

TAMA RUMAH ENDA BERADAT SAMPAI KA NGEREJA PENYALAH TI TAU DIHUKUM BUNUH

SEKSYEN 449 KANUN KESEKSAAN

Barang sapa ti di temu salah tama rumah enda beradat sampai ka iya ngereja penyalah ti tau dihukum bunuh ka kena hukum jel sampai timpoh dua puluh tahun, lalu tau mega di hukum ngena mata duit.

HUKUM KETEGAL TAMA RUMAH ENDA BERADAT

SEKSYEN 448 KANUN KESELSAAN

Barang sapa ti di temu salah tama rumah enda beradat ka kena hukum jel sampai timpoh setahun, tauka di hukum ngena mata duit sampai dua ribu ringgit, tauka kedua dua hukum nya sekali.

HUKUM KETEGAL TAMA ENDA BERADAT

SEKSYEN 447 KANUN KESEKSAAN

Barang sapa ti di temu salah tama enda beradat ka kena hukum jel sampai timpoh tiga bulan, tauka di hukum ngena mata duit sampai seribu ringgit, tauka kedua dua hukum nya sekali.

NYERUNGKAI RUMAH MALAM HARI

SEKSYEN 446 KANUN KESEKSAAN

Barang sapa ti di temu nyerungkai rumah orang udah mata hari padam lalu sebedau mata hari tumboh ka di kumbai nyerungkai rumah malam hari.

NYERUNGKAI RUMAH (PECAH RUMAH)

SEKSYEN 445 KANUN KESEKSAAN

Orang ti tama rumah enda beradat ka dikumbai nyerungkai rumah, enti iya masuk ke dalam rumah nya nitih ke enam iti chara ti di sebut di baroh ditu :-

(a) Enti iya tama tauka pansut ari siti lubang ti digaga iya empu tauka digaga orang bukai ti sama enggau iya tama rumah enda beradat, ketegal ti ka tama rumah nya enda beradat;

(b) Enti iya tama tauka pansut ari sebarang lubang ti endang udah bisi dia dulu agi ari nya, tauka endang udah bisi digaga ambi ke bisi alai mensia tau tama, tauka meragau, tauka ulih niki dinding tauka rumah nya;

(c) Enti iya tama tauka pansut ari lubang ti digaga iya empu tauka orang bukai ti sama enggau iya tama rumah nya enda beradat, tauka sebarang chara ti enda patut ba ati orang ti beempu tauka diau ba rumah nya di buka tauka di tebok, tauka dikeruang;

(d) Enti iya muka sebarang kunchi pintu rumah nya udah iya ti tama rumah nya enda beradat, ketegal iya ti ka pansut ari rumah nya udah bekau iya ti tama rumah nya enggau enda beradat;

(e) Enti iya olih tama tauka pansut ngena chara mejal orang, tauka ngena chara nyerang orang, tauka ngenakut ka orang madah kediri ka nyerang orang bukai ke diau dia;

(f) Enti iya tama tauka pansut ari sebarang lubang ti udah ditutup, tauka dikunchi ambi ka orang bukai nadai tau tama tauka pansut nengah lubang nya, ti udah dibuka iya tauka orang bukai ti enggau iya tama rumah nya enggau enda beradat.

PENERANG

Sebuah rumah ti nangkir tauka betampung perabung enggau sebuah rumah bukai, ti alai diau ba rumah nya lalu ba antara rumah nya bisi alai iya betampung perabung ka di kumbai kitai sebuah rumah nitih ke undang undang tu.

SEMPAMA

(a) A tama rumah enda beradat ngena chara nebok dinding rumah Z ambi ke dinding rumah nya belubang, A lalu nama ke jari tauka lengan iya nengah lubang nya, tu ka dikumbai kitai nyerungkai rumah;

(b) A tama rumah enda beradat ngena chara meragau tama ke dalam sebuah kapal nengah jendela ke ba antara ringkat kapal nya, taja pan jendela nya tebuka, tu ka di kumbai kitai nyerungkai rumah;

(c) A tama rumah Z enggau enda beradat nengah siti jendela ti tebuka. Tu dikumbai kitai nyerungkai rumah;

(d) A tama rumah Z enggau enda beradat nengah pintu rumah nya, udah iya ti olih tama muka siti ari pintu rumah nya. Tu dikumbai kitai nyerungkai rumah;

(e) A tama rumah Z enggau enda beradat nengah pintu rumah nya udah iya ti ulih muka kunchi pintu rumah nya ngena chara nyulok dawai ba lubang kunchi pintu nya. Tu di kumbai nyerungkai rumah;

(f) A tetemu ka kunchi rumah Z ti endang udah lenyau lalu tama ngagai rumah Z udah iya ti muka pintu rumah nya. Tu dikumbai nyerungkai rumah;

(g) Z bediri ba mua pintu rumah iya, A datai lalu nempoh Z sampai ke Z nyau tesungkor tauka laboh, A lalu tama ngagai rumah Z enda beradat. Tu dikumbai nyerungkai rumah;

(h) Z kerja nyadi jaga pintu ba rumah Y, lalu bisi bediri serta jaga dia, A datai lalu tama rumah nya enda beradat udah iya ti ngenakut ke Z ari ti nagang iya tama serta A lalu madah kediri ka nyamah Z. Tu di kumbai nyerungkai rumah.

TAMA RUMAH ENDA BERADAT LEBOH MALAM HARI NGENA CHARA BELALAI

SEKSYEN 444 KANUN KESEKSAAN

Barang sapa tama rumah enda beradat udah mata hari padam lalu sebedau mata hari tumboh (diantara pukul enam lemai ngagai pukul enam pagi) ka di kumbai “TAMA RUMAH ENDA BERADAT LEBOH MALAM HARI NGENA CHARA BELALAI”

TAMA RUMAH ENDA BERADAT NGENA CHARA BELALAI

SEKSYEN 443 KANUN KESEKSAAN

Barang sapa ti tama rumah enda beradat ngena chara belalai ba rumah nya, tauka belalai ke pengawa nya ari di temu orang bukai ke bisi kuasa nagang iya tama kia, serta tau mega ngasoh iya pansut ari alai nya, ari rumah, langkau tauka bandong ke alai iya tama enda beradat ka dikumbai “TAMA RUMAH ENDA BERADAT NGENA CHARA BELALAI”.

TAMA RUMAH ENDA BERADAT

SEKSYEN 442 KANUN KESEKSAAN

Barang sapa tama enda beradat tauka diau di dalam rumah, langkau, tauka bandong ti nyadi ke alai kitai mensia diau, tauka rumah ti nyadi ke alai orang sambiang, tauka naroh reta, ka di kumbai “TAMA RUMAH ENDA BERADAT”

PENERANG

Asal tubuh kitai udah tama ba endor nya udah chukup alai kitai di kumbai tama rumah enda beradat.

TAMA ENDA BERADAT – PENCEROBOHAN JENAYAH

SEKSYEN 441 KANUN KESEKSAAN

Barang sapa ti di temu tama ngagai reta tauka alai, tauka endor ti di empu orang bukai ketegal niat ti ka ngereja penyalah, tauka ka ngenakut, tauka ka ngemba, tauka ka ngemalu, tauka ka ngemedis ka orang ti beempu reta nya, tauka ketegal ti udah bisi pemendar nitih ka undang undang tama tauka diau dia tang pengawa iya dia enda nitih ka undang undang, enggau niat ketegal nya ka ngenakut, ngemalu tauka ngemedis ka orang bukai, tauka ketegal niat ti ka ngereja penyalah, ka di kumbai “TAMA ENDA BERADAT”.

NGERUSAK RETA ORANG KETEGAL PENYARUT

SEKSYEN 440 KANUN KESEKSAAN

Barang sapa ngerusak reta orang :-
(a) leboh ti enggau orang begelumu enda beradat tauka beraban bebala maioh mantai ke pengeringat.

(b) nyendia kediri ka ngenatai ke pemati ngagai orang bukai, tauka bakal tauka ngurong orang enggau enda beradat, tauka ngenakut ke orang bukai enggau pemati, ngemakal tauka ngurong orang bukai enda enggau beradat

Ka kena hukum jel enda lebih ari lima tahun lalu tau mega di hukum ngena mata duit.


http://johnadamgilbert.blogspot.com

HUKUM LABAN SENGAJA MANGGAI TAUKA NYANDAR KE PERAU KETEGAL TI KA MENCHURI

SEKSYEN 439 KANUN KESEKSAAN

Barang sapa enggau sengaja manggai tauka nyandar ka perau ketegal ti ka menchuri sebarang reta ti di dalam penerang nya, tauka ka ngena utai nya enda enggau patut, ka kena hukum jel ti tau sampai sepuluh tahun, lalu tau mega di hukum ngena mata duit.

http://johnadamgilbert.blogspot.com

HUKUM TI DITERANG KA BA SEKSYEN TI PENGABIS ENTI IYA DI ROSAK KA NGENA API TAUKA UTAI TI TAU MELETUP

SEKSYEN 438 KANUN KESEKSAAN

Barang sapa ngereja tauka ka nguji ngereja penyalah ngerusak reta orang ngena api tauka utai ti tau meletup ba ti dipadah ba seksyen 437 ka kena hukum jel ti tau sampai dua puluh tahun lalu tau mega di hukum ngena mata duit.

http://johnadamgilbert.blogspot.com

NGERUSAK ENGGAU NIAT ATI AMBI KE PERAU ORANG NYA JAI TAUKA ENDA LIKUN DI KENA, BAKA PERAU TI BETINGKAT TAUKA PERAU TI OLIH MUAT BARANG TI PEMERAT DUA

SEKSYEN 437 KANUN KESEKSAAN

Barang sapa di temu ngerusak perau ti betingkat,tauka perau ti olih muat barang ti pemerat dua puluh tan tauka lebih, tauka iya empu sigi nemu ketegal pengawa iya nya tau ngasoh perau nya enda likun tauka terus jai sekali, ka kena hukum jel ti tau sampai ka sepuluh tahun lalu tau mega kena hukum ngena mata duit.

http://johnadamgilbert.blogspot.com

NGERUSAK NGENA API TAUKA UTAI TI TAU MELETUP ENGGAU TUJU ATI TI KA NGERUSAK RUMAH ORANG TAUKA ALAI ORANG DIAU KE BUKAI.

SEKSYEN 436 KANUN KESEKSAAN

Barang sapa ngerusak utai ngena api tauka sebarang utai ti tau meletup enggau tuju ati ti ka ngasoh, tauka iya nemu ketegal pengawa iya nya nyangka tau ngasoh rosak ia nya: rumah alai orang sambaing, tauka rumah alai ngatur pechara, tauka rumah ke guna orang maioh, tauka rumah alai orang belajar, tauka rumah ti alai orang nyimpan barang, ka kena hukum jel sepengelama ti tau sampai dua puluh tahun, lalu tau mega kena hukum ngena mata duit.

http://johnadamgilbert.blogspot.com

NGERUSAK NGENA API TAUKA UTAI TI TAU MELETUP KETEGAL NIAT ATI KA NGERUSAK UTAI TI BEREGA KIRA LIMA PULUH RINGGIT

SEKSYEN 435 KANUN KESEKSAAN

Barang sapa ngerusak utai orang ngena api tauka ngena sebarang utai ti tau meletup ketegal ti ka ngasoh, tauka iya empu nemu ketegal pengawa iya nya tau ngasoh, pengerusak ngagai sebarang reta tengkira ti berega lima puluh ringgit tauka lebih, ka kena hukum jel selama timpoh sampai tujuh tahun lalu tau mega kena hukum ngena mata duit.

http://johnadamgilbert.blogspot.com

NGERUSAK TAUKA MINDAH KA SEBARANG TANDA TI DI GAGA PERINTAH TAUKA PENERIT ADAT TI BEKUASA BA UTAI ORANG MAIOH

SEKSYEN 434 KANUN KESEKSAAN

Barang sapa ngerusak tauka ngenyai, tauka mindah ka apa apa tanda ti di gaga perintah tauka penerit adat ti bekuasa, tauka ngena sebarang chara ti tau ngasoh reta nya enda tau di guna agi, ka kena hukum jel selama timpoh sampai setahun, tauka di hukum mata duit, tauka kedua dua iya sekali.

http://johnadamgilbert.blogspot.com

NGERUSAK, TAUKA MINDAH, TAUKA NGENYAI KA RUMAH API TAUKA SEBARANG UTAI TI NYADI TANDA BA TASIK, TAUKA NGAGA TANDA API TI BULA

SEKSYEN 433 KANUN KESEKSAAN

Barang sapa ngerusak ngena chara ngenyai, tauka mindah ka sebarang rumah api, tauka sebarang tanda api ba tasik, tauka sebarang pelampong, tauka sebarang utai ti nyadi ke penunjok kena orang belayar ba tasik tauka sungai, ti lalu ngasoh ke tegal pengawa iya nya utai tu enggai nyadi di kena agi, tauka kurang di guna agi nyadi ke penunjok kena ba sungai tauka tasik ka kena hukum jel selama timpoh sampai tujuh tahun, tauka di hukum mata duit, tauka kedua dua iya sekali.

http://johnadamgilbert.blogspot.com

NGERUSAK TI NGASOH AI BAH TAUKA NEKAT PARIT BESAI TI TAU NGENATAI KA PENGERUGI TAUKA NGERUSAK RETA TENGKIRA

SEKSYEN 432 KANUN KESEKSAAN

Barang sapa ngereja pengawa ti endang di temu iya tau ngasoh ai bah, tauka nekat parit besai, ti tau ngasoh ngenatai ke penusah tauka pengerusak ka kena hukum jel sampai timpoh lima tahun, tauka di hukum ngena mata duit, tauka kedua dua iya sekali.

http://johnadamgilbert.blogspot.com

NGERUSAK TALI API, TALI TALIPON, TAUKA TALI KARAN KE BUKAI

SEKSYEN 431A KANUN KESEKSAAN

Barang sapa di temu netak tauka ngerusak sebarang tali api, tali talipon, dawai api, tiang api, tauka rengka stesen pemanchar telegraf letrik ka kena hukum jel sampai timpoh dua tahun, tauka di hukum mata duit, tauka kedua dua iya sekali.

Penerang - Utai ke rusak ba undang undang tu iya nya ti tau ngasoh tepagang ari di guna tali api, dawai api, tauka tali telegraf letrik nya, ari dikena ngenatai ke tanda pemanchar stesen nya, enti enda iya tau di hukum nitih ka ba undang undang seksyen 426 Kanun Keseksaan ba undang undang tu.


http://johnadamgilbert.blogspot.com

NGERUSAK JALAI ALUN, JAMBATAN, TAUKA SUNGAI

SEKSYEN 431 KANUN KESEKSAAN

Barang sapa ngerusak tauka ngereja pengawa ti endang di temu iya empu lalu ketegal pengawa iya nya tau ngasoh, sebarang jalai alun, jambatan, sungai ke ulih di tengah perau, tauka terusan / parit ke ulih di tengah perau, sekali iya nya endang udah ari asal tauka di gaga mensia, enda ulih di tengah tauka enda likun di tengah tauka kena mai reta tengkira, ka di hukum jel selama timpoh sampai lima tahun, tauka di hukum mata duit, tauka kedua dua iya sekali.


http://johnadamgilbert.blogspot.com

NGERUSAK RETA TI NGENA INJIN, KERETAPI ENGGAU RENGKA INJIN BUKAI

SEKSYEN 430A KANUN KESEKSAAN

Barang sapa ngerusak reta ngena sebarang chara tauka enggau niat lalu iya nemu ketegal pengawa iya nya tau nagging, nungkup, ngelaboh, nganchur, tauka ngerusak sebarang rengka injin, keretapi, tender, pala keretapi, gerabak keretapi, ka kena tinggang hukum jel selama timpoh sampai dua puluh tahun, lalu tau mega kena hukum mata duit enggau di sipat ngena rotan.


http://johnadamgilbert.blogspot.com

NGELIMPANG KA PENGERARAT ENTALI AI. TAUKA NGELIMPANG KA PENGERARAT AI NGENA JALAI TI SALAH

SEKSYEN 430 KANUN KESEKSAAN

Barang sapa di temu ngerja pengawa ngerusak utai enggau chara ti salah lalu ngerja sebarang utai ti ngasoh, tauka iya nemu ke tegal pengawa iya nya tau ngasoh ai langkang ke ka di kena orang betanam betupi, tauka ke irup mensia enggau jelu tupi, tauka kena orang meresi utai, tauka di kena orang bejalai ke pengawa dagang, ka kena hukum jel selama timpoh sampai lima tahun, tauka di hukum mata duit, tauka kedua dua iya sekali.


http://johnadamgilbert.blogspot.com

NGERUSAK LALU MUNOH, TAUKA NGEMAKAL KA CHAPI, KERBAU TAUKA JELU BUKAI TI BEREGA ENDA KURANG ARI DUA PULUH LIMA RINGGIT

SEKSYEN 429 KANUN KESEKSAAN

Barang sapa di temu ngerusak lalu munoh, tauka ngerachun, tauka ngemakal ke sebarang jelu tupi ti berega enda kurang ari dua puluh lima ringgit tauka lebih ka kena hukum jel ti sampai lima tahun, tauka di hukum mata duit, tauka kedua dua iya sekali.


http://johnadamgilbert.blogspot.com

NGERUSAK, TAUKA MUNOH, TAUKA NGEMAKAL KA JELU TUPI TI BEREGA ENDA KURANG ARI LIMA RINGGIT

SEKSYEN 428 KANUN KESEKSAAN

Barang sapa ti di temu ngerusak, tauka munoh, tauka ngerachun, tauka ngemakal ka jelu tupi orang bukai, baik ka jelu nya siko tauka maioh ti berega enda kurang ari lima ringgit ka kena hukum jel ti sampai dua tahun, tauka di hukum kedua dua iya sekali.


http://johnadamgilbert.blogspot.com

NGERUSAK RETA ORANG TI BEREGA ENDA KURANG ARI DUA PULUH LIMA RINGGIT

SEKSYEN 427 KANUN KESEKSAAN

Barang sapa ti ngereja penyalah ngerusak reta orang ti berega enda kurang ari dua puluh lima ringgit tauka lebih ari rega nya ka kena hukum jel sampai ka dua tahun, tauka di hukum mata duit, tauka di hukum kedua dua iya sekali.


http://johnadamgilbert.blogspot.com

HUKUM LABAN NGERUSAK RETA ORANG

SEKSYEN 426 KANUN KESEKSAAN

Barang sapa ngereja penyalah ngerusak reta orang ka kena hukum jel sampai ke tiga bulan, tauka di hukum mata duit, tauka kena hukum kedua dua iya sekali.


http://johnadamgilbert.blogspot.com

NGERUSAK RETA ORANG – KHIANAT

SEKSYEN 425 KANUN KESEKSAAN

Barang sapa ti ditemu ka ngereja, tauka ketegal pengawa iya nya iya ka ngerugi, tauka ngelenyau ka reta orang bukai, tauka reta orang ti nengali Kediri, nyentuk ka reta nya jai, berubah gaya tauka enggai nyadi di kembuan, tauka di kena agi, tauka ngurang ka rega reta nya, tauka ngasoh reta nya enggai nyadi di kena enggau manah, tauka ngasoh reta nya jai lalu enggai nyadi di guna agi ka di kumbai kitai ngerusak reta orang.

Penerang Keterubah
Iya mega di kira penyalah ngerusak reta orang enti orang nya bisi ngelenyau tauka sampai ka ngerugi ka orang ti beempu reta nya ti udah dirusak tauka di jai ka iya. Iya mega bereti enti iya nemu ketegal pengawa iya nya tau ngasoh rugi tauka lenyau sebarang reta ti di empu orang nya tauka orang bukai.

Penerang Kedua
Ngerusak reta orang mega tau nyadi leboh iya bisi megai reta ti di empu orang bukai nya enggau nengali tauka reta ti di kunsi ka orang maioh.

Sempama
(a) A enggau sengaja nunu siti surat sempekat ti beguna ti di empu Z lalu ketegal nya iya ngasoh Z lenyau surat sempekat nya.

(b) A ka ngerugi Z ngena chara masuk ka ai ngagai rumah endor Z ngaga batu ais, ngambi ka semua batu ais dia luloh lalu ngerugi Z, nyadi A udah ngereja penyalah ngerusak reta Z.

(c) A enggau sengaja muai sebentuk tinchin ti di empu Z ke dalam sungai, laban ketegal nya A udah ngerugi Z. A udah salah ngereja penyalah nitih ke atur ba undang undang tu.

(d) A nemu reta iya ti di rampas oleh Z ketegal iya ti bisi berutang ba Z, lalu A ngerusak reta nya ambi ke Z enda beempu reta nya lalu bulih pengerugi ketegal A ti berutang enggau iya. Nyadi A udah ngereja penyalah nitih ka undang undang tu.

(e) A bisi ngambi insuran ke sebuah kapal ti di empu iya lalu enggau sengaja ngaram ke kapal nya ambi ke kompeni insuran nya bulih pengerugi mayar iya. Nyadi A udah di temu salah nitih ka undang undang tu.

(f) A enggau sengaja ngaram ke sebuah kapal laban ti ka ngerugi Z ti udah nyali iya duit leboh iya ti bechengkeram ka kapal iya nya. Nyadi A udah salah nitih ka undang undang tu.

(g) A bisi kunsi nupi siko kuda enggau Z, lalu A nimbak serta munoh kuda nya ngambi ka Z bulih pengerugi. Nyadi A udah salah ba undang undang tu.

(h) A ngelepas ka chap iambi ka ngerusak kebun Z, laban iya nemu ketegal nya Z ka bulih pengerugi laban utai tanam iya abis di kachau chapi ti lepas nya. Nyadi A udah salah ngerusak utai tanam Z tauka reta Z.


http://johnadamgilbert.blogspot.com

MINDAH TAUKA NGELALAI KA RETA NGENA CHARA TI SALAH TAUKA NGENA CHARA NIPU

SEKSYN 424 – KANUN KESEKSAAN

Barang orang ti ditemu ngena chara ti salah tauka ngena chara nipu ngelalai tauka mindah ka reta iya empu tauka reta orang bukai, tauka ngena chara ti salah tauka nulong ngelalai tauka mindah ka, tauka enda iboh ka peminta ti patut di tulong ngagai iya, ka kena hukum jel sepengelama sampai dua tahun, tauka di hukum ngena mata duit tauka kedua dua iya sekali.

NGENA CHARA TI SALAH TAUKA NGENA CHARA NIPU NGAGA SURAT SEMPEKAT NUKAR NAMA ORANG TI BEEMPU RETA TI NERANG KA PENERANG TI BULA BA SURAT NYA

SEKSYN 423 – KANUN KESEKSAAN

Barang sapa orang di temu ngena chara ti salah tauka ngena chara nipu ngaga tanda sempekat, ngemujor ka , tauka nyadi sapa sapa leboh maia ti nanda surat sempekat kena nukar nama orang ti beempu reta tengkira nya, tauka sebarang utai ti beguna ba atas nama iya, lalu bisi ditulis ka sebarang sempekat ti enda bendar nerang ka pengawa betukar ka nama reta nya, tauka nerang ka sapa orang ti beguna tauka beempu penguntong ketegal surat sempekat nya tauka madah ka reti surat sempekat nya berengkah berkuasa nitih ka undang undang, ka kena hukum jel sepengelama sampai lima tahun, tauka di hukum ngena mata duit tauka kedua dua iya sekali.

NGENA CHARA TI SALAH TAUKA NGENA CHARA NIPU AMBI KA ENDA OLIH DI PULAI KA BARU NGAGAI OPRANG TI BERUTANG IYA NYA UTANG TAUKA GANTI RUGI TI PATUT DI BA

SEKSYN 422 – KANUN KESEKSAAN

Sebarang sapa ti ngena chara ti salah tauka chara ti nipu ambi ka utang nya tauka ganti rugi ti patut diempu orang ke beempu nya nitih ka undang undang.

MINDAH TAUKA NGELALAI KA RETA NGENA CHARA TI SALAH TAUKA AMBI KA ENDA DI BAGI ANTARA ORANG TI BERUTANG

SEKSYN 421 – KANUN KESEKSAAN

Barang sapa bisi ditemu ngena chara ti salah tauka ngena chara nipu mindah, ngelalai tauka nyerah ka ngagai orang bukai, tauka nukar nama orang ti beempu reta nya, sebarang reta ngagai sebarang orang, lalu nadai di balas nitih ka patut, lalu laban ketegal nya iya lalu ngelari ka, tauka ngena chara ke baka nya iya olih ngelari ka reta nya ari ti dibagi nitih ka atur ba undang undang antara orang ti berutang tauka orang berutang ti ka bukai, ka kena hukum jel sepengelama sampai lima tahun, lalu tau mega di hukum ngena mata duit, tauka kedua dua iya sekali.

SURAT SEMPEKAT KENA NIPU SERTA NGERAMPAS RETA NGENA CHARA NIPU.

NIPU NGENA CHARA NGUMBOK AMBI KA RETA NYA DI SERAH

SEKSYN 420 – KANUN KESEKSAAN

Sebarang orang ti nipu ngena chara tu lalu ngumbok orang nya ngambi ka olih di kelimpang ka lalu di tipu, lalu ketegal nya iya sanggup nyerah ka sebarang reta tengkira ngagai sebarang orang, tauka ngambi ka ngaga, tauka ngambi ka ngubah, tauka ngambi ka ngelenyau ka semua tauka sebagi ari chagaran ti berega, tauka apa apa utai ti udah di tanda sempekat tauka dichop, lalu tau nyadi ka chagaran ti berega, ka kena hukum jel sepengelama sampai enda lebih ari sepuloh tahun serta mega tau di rotan, lalu tau mega kena hukum ngena mata duit.

HUKUM LABAN NIPU NGENA CHARA NYARU

SEKSYN 419 – KANUN KESEKSAAN

Barang sapa di temu nipu ngena chara nyaru ka kena hukum jel sepengelama sampai tujoh tahun, tauka di hukum ngena mata duit, tauka kedua dua iya sekali.

NIPU KETEGAL TI KA NGERAMPAS TAUKA KETEGAL PENGAWA NIPU NYA ORANG BUKAI KA LENYAU KUASA, LALU IYA TI NIPU KA BEKUASA BA UTAI ORANG BUKAI NYA

SEKSYN 418 – KANUN KESEKSAAN

Barang sapa ditemu nipu lalu nemu ketegal ngena chara nya iya olih ngalah tauka ngerampas kuasa orang bukai nya ti di tipu iya nya ngelalai sekali ka nitih ka atur ba undang undang, tauka ngelalai nitih ka kontrak ba undang undang, ka kena hukum jel sepengelama sampai tujoh tahun, tauka kena hukum ngena mata duit tauka kedua dua iya sekali.

HUKUM KETEGAL TI NIPU

SEKSYN 417 – KANUN KESEKSAAN

Barang sapa ti di temu nipu ka di hukum jel sepengelama sampai lima tahun, tauka di hukum ngena mata duit, tauka kedua dua iya sekali.

NIPU NGENA CHARA NYARU

SEKSYN 416 – KANUN KESEKSAAN

Orang ka dikumbai “Nipu ngena chara nyaru” enti iya nipu lalu ngaga diri nyadi orang bukai ti endang di temu iya ukai orang nya ti bender.

Penerang – Penyalah tu iya nya nyaru nyadi orang bukai ti endang amat bisi tauka orang bukai ti di tempa ka iya empu.

Sempama
( a ) A nipu lalu nyaru nyadi siko orang ti gawa ba bank ti kaya ti sama tamang nama enggau iya, nyadi A ka di kumbai nipu ketegal ti nyaru.

( b ) A nipu lalu nyaru nyadi B ti endang di temu iya lama udah mati. Nyadi A ka dikumbai nipu.

NIPU

SEKSYN 415 – KANUN KESEKSAAN
Sebarang orang ti bisi ditemu ngumbok tauka ngena chara ngumbok ti ngepun ka :

( a ) Ngena chara nipu tauka ngumbok ngena chara ti enda beradat sampai ka orang nya nyerah ka sebarang reta ngagai sebarang orang , tauka ngambi ka orang nya ka naroh reta nya ; tauka

( b ) Bisi niat ka ngumbok orang nya ngambi ka iya ka ngereja, tauka ka ngereja pengawa ti enda patut dikerja iya enti ukai ketegal ari diumbok lalu ketegal ti ngereja pengawa nya, orang nya ka bisi pengerugi tauka ngemakal ka tubuh, pengingat, pemujor pendiau ngidup kediri tauka reta tengkira ngagai orang bukai.

Lalu ketegal pengawa dua iti nya orang tu ka di kumbai ngereja penyalah “NIPU”.

Penerang Keterubah – Ngelalai ka penerang enggau tuju ti salah ti ngenatai ka penyaru runding dalam reti ba seksyn tu.

Penerang Kedua – Semata mata mungkir sempekat ba kontrak enggai nyadi ke tanda bisi niat asal ka Nipu.

Penerang Ketiga – Sebarang orang ti bisi pengari lalu orang nya nyadi ke ejen, tauka iya empu ka dikumbai ngereja pengawa ngari kediri empu.

Sempama
( a ) A bebula madah kediri kerja ba opis perintah lalu sengaja ngemula ka Z, lalu ketegal nya Z lalu ngarap ka A nya amat kerja ba opis perintah lalu ngujong ka Z ngemendar ka A ngambi barang ngena chara berutang alai A ti endang nadai niat ka mayar barang ti diambi iya nya, lalu A ka dikumbai kitai Nipu.

( b ) A muai tanda barang ti enda benama lalu nyilih iya ngena tanda barang ti benama serta berega agi ambi ka Z meli barang nya lalu ngarap ke barang nya ti utai benama serta tulin, nyadi ba utai ke baka tu A udah Nipu Z.

( c ) A ngayan ngagai Z siti bansa barang ti tiru ngambi ka Z ngarap ka barang nya utai ti tulin lalu mega Z ngarap ke barang ti dijual A ngagai iya nya sebaka enggau ti di ayan ke iya ngagai Z , ambi ka Z meli serta mayar rega barang nya nitih ka rega barang nya ti bendar, nyadi A udah Nipu Z.

( d ) A udah mayar barang ngena siti bil ti dituju ka ngagai gerempong dagang, alai A ti nadai kaul enggau gerempong nya serta mega nadai kaul ba belanja enggau gerempong nya, lalu A sengaja ngambi ka Z nyual barang nya ngagai iya ti endang nadai niat ka mayar barang nya , alai A ka dikumbai Nipu.

( e ) A bechagar ka intan ti endang di temu iya ukai intan ti tulin ngambi ka Z ka nyali iya duit, lalu A ka dikumbai kitai Nipu Z.

( f ) A ngumbok Z ngambi ka ngarap ka A tu ka mayar duit ti dijali Z ngagai iya, tang A endang nadai niat ka mayar duit ti diinjau nya baru, lalu A ka dikumbai Nipu.

( g ) A madah kediri ka nyerah ngagai Z lada chelum ti di kemisi ka iya ngambi ka Z ka nyali duit ti bechengkeram ka lada chelum nya. Laban Z sigi ngarap ka A nya amat ka nyerah ka lada chelum iya nya ngagai iya, tang udah A bolih duit ari Z dia A lalu enggai agi nyerah ka lada chelum nya ngagai Z nitih ka sempekat seduai iya nya tadi. Nyadi A enggai nyadi dikumbai Nipu laban iya bebula ka sempekat seduai Z nya, lalu kes ke baka tu ka di saman ngena lawyer nyadi ke kes sivil. Tang enti A endang nadai ati ka nyerah ka lada chelum nya ngagai Z iya ka dikumbai kitai Nipu.

( h ) A ngumbok Z ngambi ka Z ngarap ka A udah mayar bagi iya ( A ) ba siti kontrak ti digaga seduai Z, ti endang lalu bedau dibayar A ngambi ka Z mayar duit nya, A ka dikumbai Nipu.

( i ) A nyual lalu nukar nama orang ti beempu tanah nya ngagai B. A ti endang nemu diri nadai agi kuasa ba tanah nya lalu nyual tanah nya baru ngagai Z, tauka ngadai tanah nya ngagai Z, lalu nadai madah ka tanah nya kala udah di jual serta di tukar iya nama dulu suba ngagai B, lalu udah iya nerima duit gadai tauka rega tanah nya ari Z. Nyadi A udah nipu Z.

( j ) A bemain ngena dadu ti tiru tauka daun terup ti udah bisi di tanda iya lalu menang duit judi nya. Lalu A ka dikumbai Nipu.

NULONG NGELALAI KA RETA TI OLIH MENCHURI

SEKSYN 414 KANUN KESEKSAAN

Barang sapa di temu nulong ngelalai ka reta ti olih menchuri, tauka mindah ka reta nya, tauka ngapus ka reta nya ti endang udah di temu iya sigi utai olih menchuri ka kena hukum jel sampai tujuh tahun, lalu tau mega kena hukum ngena mata duit, tauka kedua dua hukum nya sekali, lalu enti reta ke olih menchuri nya mentuka tauka sebarang bagi ari rengka mentuka nitih ka ba tusun undang undang dalam seksyn 379A ka kena hukum jel enda kurang ari enam bulan serta enda lebih ari tujuh tahun, serta ka mega kena hukum ngena mata duit.

NGEREJA PENGAWA BEJUAL RETA TI OLIH MENCHURI

SEKSYN 413 KANUN KESEKSAAN

Barang sapa ti ngereja pengawa bejual reta ti olih menchuri tauka nerima sebarang reta ti di temu iya reta ti olih menchuri ka di hukum jel sampai dua puluh tahun, lalu tau mega kena hukum ngena mata duit.

NERIMA ENGGAU TUJU TI SALAH RETA TI OLIH MENCHURI LEBOH TI NGEROMPAK BEKABAN

SEKSYN 412 KANUN KESEKSAAN

Barang sapa enggau tuju ti salah nerima tauka nyimpan sebarang reta ti olih menchuri, laban ti udah nemu tauka endang udah nemu reta nya sigi utai olih menchuri ngena jalai ngerompak bekaban, tauka enggau tuju ti salah nerima ari orang bukai ti endang udah di temu iya sigi perompak tauka siko ari kaban perompak, sebarang reta ti di temu iya tauka di pelaba ka iya reta olih menchuri, ka kena hukum jel sampai dua puluh tahun, lalu tau mega kena hukum mata duit.

NERIMA RETA OLIH MENCHURI ENGGAU TUJU TI SALAH

SEKSYN 411 KANUN KESEKSAAN

Barang sapa enggau tuju ti salah nerima tauka nyimpan sebarang reta ti olih menchuri, laban ti udah nemu tauka endang udah nemu reta nya sigi utai olih menchuri ka kena hukum jel dalam sepengelama ti sampai lima tahun, tauka di hukum mata duit , tauka kedua dua hukum nya sekali, lalu enti utai ke di churi nya mentuka (kenderaan) tauka sebarang bagi ari rengka mentuka nya nitih ke ba atur sebuah mentuka ka seksyn 379A ka kena hukum jel enda kurang ari 6 bulan lalu enda tau lebih ari lima tahun, lalu mega ka kena hukum ngena mata duit.

NERIMA RETA HASIL OLEH MENCHURI

RETA OLEH MENCHURI

SEKSYN 410 KANUN KESEKSAAN

(1)Reta orang bukai ti udah di pindah ka ari orang ti beempu iya ukai enggau pemendar tang ngena jalai menchuri, tauka ngena chara pejal, tauka ngena jalai ngerompak, serta reta ti di salahguna enda nitih ka undang undang, tauka bula ke pengarap orang ti ngasoh kitai megai reta orang, tauka ngena chara nipu, ka di kumbai kitai reta ti olih menchuri enda ngira sekali ka reta nya udah d iambi tauka di salahguna, tauka bula ke pengarap orang ti ngasoh kitai megai reta nya , tauka ngena jalai tipu, lalu utai ke baka tu udah nyadi baik ka dalam tauka di luar menua kitai Malaysia tu. Tang enti reta nya, udah nya diempu orang ti patut nitih ka undang undang iya enggai nyadi di kumbai kitai reta ti olih menchuri.

(2)Reti jako “Reta Olih Menchuri” nya nyengkaum sebarang reta ti di olih ka, tauka di tukar enggau utai bukai, reta olih menchuri enggau sebarang utai ti udah di olih, sekali ka oleh tekala nya tauka , ari reta ti olih tegal nya tauka di pesilih ka ngena jalai nya.

SEMPAMA

SEKSYN 409B KANUN KESEKSAAN

(1) Enti ba sebarang pechara lalu bisi bukti ti nyata salah : -

(a) Ba sebarang penyalah baka ke di padah ba seksyn 403 enggau 404, iya nya bisi orang di temu salahguna reta enggau tuju ti salah ;

(b) Ba sebarang penyalah baka ke di padah ba seksyn 405, 406, 407, 408 enggau 409, iya nya sebarang orang ti di karap ke megai reta orang tauka bekuasa penuh ba reta orang ke udah di temu : -

(i) Salahguna reta orang bukai enggau tuju ti salah tauka :-

(ii) Ngena tauka ngabis ka reta tengkira orang bukai enda nitih ka sempekat ba undang undang ti madah ka atur baka ni reta nya di kembuan tauka sebarang kontrak ke bendar, nyata lalu udah di tulis madah ke baka ni gaya pengarap orang ke iya: tauka

(iii) Ngemendar ka sebarang orang ngereja pengawa nitih ka atur ba ( i ) tauka ( ii ) ke di sebut ba atas tu tadi,
Lalu ka di kumbai kitai orang ti ngereja penyalah tu enda lurus ati nyentuk ka penyalah ti di kerja orang tu di temu orang bukai.

(2) Peragam ati ba subseksyn (i), nyadi seksyn tu ka di kena nitih ka gaya penglebih tauka pengurang (“Mutalis Mutandis”- jako Latin / more or less) penyalah kes ti di terang ka ba seksyn 109 serta 511 nitih ka undang undang ti bekaul enggau penyalah ti di sebut dalam seksyn ke besangkut paut enggau penyalah nya.

NADAI DI BERI PENGAMPUN

SEKSYN 409A KANUN KESEKSAAN

Nadai di beri pengampun enti orang nya bisi di temu ngereja penyalah nitih ke genteran ba seksyn 403, 404, 405, 406, 407, 408 enggau 409 ketegal ti ka nentu ka reta tengkira nya nyata tauka terang lalu di rekod tauka di tulis dalam bup tauka akaun sebarang gerempong dagang tauka gerempong turu, sekali ka disegulai ka tauka enda.

PENERANG

Reta tengkira gerempong dagang ka di kumbai kitai di empu gerempong dagang nya taja pan Pengarah gerempong dagang nya orang ti nengali tauka saum, lalu sida bisi kuasa ba atas semua untong tauka pemisi laban ti sama bisi syer ba gerempong dagang nya.

ORANG KERJA PERINTAH, ORANG TI GAWA BA BANK, SEDAGAR TAUKA EJEN TI BULA KA PENGARAP MEGAI RETA ORANG

SEKSYN 409 KANUN KESEKSAAN

Barang sapa ti endang udah di beri pengarap megai reta ti di petanggung jawab ke iya enggau sebarang kuasa tauka reta ti di asoh kena iya laban ti kerja perintah tauka ejen lalu di temu ngereja penyalah bula megai reta ka kena tinggang hukum jel enda kurang ari setahun lalu enda tau lebih ari sepuluh tahun serta lalu di rotan, lalu tau mega kena hukum ngena mata duit.

KERANI TAUKA KULI TI BULA KA PENGARAP MEGAI RETA ORANG

SEKSYN 408 KANUN KESEKSAAN

Barang sapa ti kerja nyadi kerani tauka kuli lalu udah di beri tanggung jawab megai reta nitih ke pengawa ti di pangku sida nitih ke kuasa tauka reta ti di petanggungjawab ke sida lalu bisi di temu ngereja penyalah bula ka pengarap megai reta orang ka kena tinggang hukum jel enda kurang ari setahun lalu enda tau lebih ari sepuluh tahun serta lalu di rotan, lalu tau mega kena hukum ngena mata duit.

ORANG TI DI ASOH MAI RETA LALU BULA KA PENGARAP MEGAI RETA ORANG

SEKSYN 407 KANUN KESEKSAAN

Barang sapa ti di karap ka mai reta lalu di karap ka nyaga reta nya baka ketuai ti nyaga gudang tauka ketuai ti nyaga palan penyangkai lalu di temu bisi ngereja penyalah bula ka pengarap megai reta orang ka kena tinggang hukum jel enda kurang ari setahun lalu enda tau lebih ari sepuluh tahun lalu mega ka kena di rotan, lalu tau mega kena hukum ngena mata duit.

HUKUM BULA KA PENGARAP MEGAI RETA ORANG

SEKSYN 406 KANUN KESEKSAAN

Barang sapa di temu bula ka pengarap megai reta orang ka kena hukum jel dalam tempoh ti enda kurang ari setahun tang enda tau lebih ari sepuluh tahun serta lalu di rotan, lalu tau mega kena tinggang hukum ngena mata duit.

PENYALAH BULA KE PENGARAP ORANG (PECAH AMANAH JENAYAH)

SEKSYN 405 KANUN KESEKSAAN

Barang sapa ti udah di karap ka ngibun reta ngena sebarang kuasa atas reta nya sekali ka di ibun iya kediri tauka di ibun begulai enggau orang bukai, lalu salah guna reta enggau tuju ti salah tauka ngena reta orang nya ambi ke di kena iya empu, lalu salah nitih ke undang undang ti ngemendar ke gaya pengarap orang bukai baka ni chara reta nya di ibun tauka apa apa semaia ba undang undang ti nyata serta bisi di kena ngemata ke reta orang nya, tauka enggau sengaja ngelak ka orang bukai ngereja penyalah ba reta nya lalu iya ka di kumbai udah ngereja “Penyalah Bula Ke Pengarap Orang”.

SEMPAMA

(a) A udah nyadi waris orang ti mati lalu iya di karap ke orang ti mati nya magi reta ti di tinggal ka nya ngagai orang bukai nitih ke ti udah di padah ka orang nya sebedau iya mati, tang A lalu ngena reta nya ke di kena iya empu nengali. Nyadi A udah ditemu salah bula ke pengarap orang bukai nitih ka genteran tu.

(b) A tu orang ti di karap ka nyaga gudang Z laban Z tu ti mindah ngagai endor jauh, lalu ngarap ke A ngibun semua perkakas rumah iya lalu nitih ka kontrak semua perkakas tu ka di pulai ka leboh maia Z udah pulai lalu mayar semua sewa gudang nya. Nyadi A enggau ati ti enda lurus lalu nyual semua perkakas rumah Z . Nyadi A udah di temu salah nitih ka genteran tu.

(c) A ti diau di Kuala Lumpur iya ejen ti bekerja enggau Z ti diau di Pulau Pinang. Lalu antara A enggau Z bisi kontrak iya nya semua duit ti di kirum ka Z ka dilabur ka A nitih ke asoh Z. Lalu duit dikirum Z iya nya lima ribu ringgit di asoh iya labur A ba projek ti digaga perintah. A lalu bula ke pengarap Z laban ti ngena duit nya kena iya bedagang. Nyadi A lalu di temu salah nitih ke genteran tu.

(d) Tang enti A ngasai ke duit Z nya bisi untong lalu di labur ke iya ba Oriental Bank enda nitih ke asoh Z labur ka ba projek perintah lalu ketegal tu Z lalu rugi ke tegal nya, nyadi Z tau mai perchara ke kes tu ngagai sivil kes ketegal iya ti rugi laban A ti enda nitih ka jako iya nya. Nyadi A semina salah chara ngena duit nya tang ukai ngereja penyalah bula ke pengara orang.

(e) A siko ari orang ti pengumpul cukai perintah tauka siko kerani dalam opis perintah lalu di karap ka megai duit nitih ke pemendar ba undang undang lalu nitih ke atur ti endang udah di tetap ka perintah lalu mesti nyerah ke duit perintah ngagai orang ti udah di taga ke perintah nitih ka atur perintah nya tang A lalu ngena duit nya ke di kena iya empu. Nyadi A udah salah ngena duit nya bula ke pengarap orang.

(f) A tu orang ti tukang ngangkut barang lalu Z ngasoh iya ngangkut barang ngena jalai darat tang iya lalu ngena kapal mai barang nya. Nyadi A udah salah chara ngangkut barang Z nya. A udah di temu salah nitih ka genteran tu.

PENERANG

Orang pengaji (tokay) ti di dakwa ngereja penyalah bula ka pengarap megai reta orang, ti bisi di temu udah motong gaji kuli iya ketegal ti madah kediri ka nyimpan duit gaji nya ngagai tabung duit turu tauka tabung bala pekerja nitih ke atur ti udah di letak ka undang undang (KWSP/PERKESO) ka di kumbai megai reta orang ketegal ti udah motong gaji kuli iya nya, tang enti pengaji tu bisi di temu salah enda mayar duit gaji ti di potong iya nya lalu bebula ka kuli iya madah ke duit nya di bayar ngagai tabung duit turu bala pekerja iya ka di kumbai kitai ngelanggar undang undang bula ka pengarap megai reta orang nitih ke atur ba genteran seksyn tu.

ENGGAU JALAI TI ENDA PATUT NGENA RETA ORANG TI MATI LEBOH MAIA PEMATI ORANG NYA.

SEKSYN 404 KANUN KESEKSAAN

Barang sapa enggau jalai ti enda patut ngena reta, tauka ngena reta nya ke kena iya empu, tauka ngasoh orang bukai ngabis ka reta nya, lalu endang nemu reta nya sigi di empu iya ti udah mati nya lalu nadai nemu sapa ti patut beempu reta nya nitih ke undang undang ka di hukum jel sepengelama tempoh enda kurang ari enam bulan lalu enda tau lebih ari lima tahun serta ka di rotan, lalu tau mega di hukum ngena mata duit. Lalu ti sema orang ke salah ngena reta tu iya nya pengaji tauka tokay iya ti mati nya, lalu iya ke mati nya bekerja enggau iya nyadi kerani tauka orang ti bekerja enggau iya, nyadi iya tau kena hukum jel enda kurang ari setahun tang enda tau lebih ari sepuluh tahun lalu ka kena di rotan, lalu tau mega di hukum ngena mata duit.

SEMPAMA

Leboh Z mati iya bisi duit enggau perengka rumah, lalu iya bekerja enggau A. Sebedau duit nya di ambi orang bukai ke enda patut agi beempu utai nya, A ngena reta nya enggau chara ti salah. A udah salah nitih ke genteran tu.

SALAH GUNA RETA ENGGAU TUJU TI ENDA PATUT

SEKSYN 403 KANUN KESEKSAAN

Barang sapa di temu enggau tuju ti enda patut bisi salah guna, tauka ngena utai nya ke dikena iya empu, tauka sampai ka utai ti di kena nya lalu di kira orang bukai enggai nyadi di guna agi ka di hukum jel dalam timpoh enda kurang ari enam bulan lalu enda tau lebih ari lima tahun serta mega di rotan, lalu tau mega di hukum ngena mata duit.

SEMPAMA

(a) A ngambi reta ti di empu Z ari Z empu, enggau niat ati ti ngarap kediri tegal ti enda mulai ka reta nya ila sigi lalu ka di empu iya. A nadai ngereja penyalah mencuri enti A udah nemu diri empu kelanjur bepenyalah ketegal iya ti ngena reta nya enggau tuju ti enda patut nitih ke genteran ba seksyn tu.

(b) A ti udah bekelala enggau Z, masuk ngagai rumah Z leboh Z ti nadai dia lalu ngambi siti bup bacha enggau nadai pemendar ari Z. Ba utai ke baka tu enti A nyangka iya bisi pemendar ari Z ngasoh iya ngambi bup bacha ketegal iya ti ka macha bup bacha nya, nyadi A enggai nyadi di kumbai kitai mencuri. Tang enti A lalu nyual bup bacha nya ke penguntung iya empu nya baru iya ka di kumbai kitai salah nitih ke genteran ba seksyn tu.

(c) A enggau B bekunsi beempu ka siko kuda. A lalu ngambi kuda nya ari ti di ibun B ketegal ti ka ngena kuda nya. Ba utai ke baka tu, laban A pan bisi ga kuasa ngena kuda nya. Nyadi iya enggai nyadi di kumbai kitai salah guna reta enggau tuju ti enda patut. Tang enti A nyual kuda nya lalu semua rega kuda nya di kena iya nengali, nyadi iya ka di kumbai salah nitih ka genteran ba seksyn tu.

PENERANG 1

Salah guna reta enggau tuju ti enda patut ke sementara aja , reti nya salah guna reta nitih ka reti ba seksyn tu. A tetemu ka siti surat sempekat hutang ba perintah ke di empu Z ti udah ti tanda chap jari oleh Z tang nadai bisi tulis utai bukai ba surat nya. A pan nemu surat nya sigi enggi Z lalu ngadai surat nya ngagai bank kena iya nginjau duit, lalu iya pan sigi ka mulai ke surat nya ngagai Z baru ke dudi hari ila. Lalu A udah di temu salah nitih ke genteran ba seksyn tu.

PENERANG 2

Orang ti nemu reta ti endang ukai reta iya empu lalu ngambi reta nya ketegal ti ka nyimpan reta nya enggau manah ke orang ti endang amat beempu iya tauka ka mulai ke reta nya ngagai orang ti beempu iya lalu enggai nyadi di kumbai kitai ngambi tauka salah guna reta enggau tuju ti enda patut serta bepenyalah, tang iya tau di kumbai bepenyalah salah guna reta enggau tuju ti enda patut enti iya ngena reta nya ke di kena iya empu lalu iya pan nemu sapa orang ti beempu reta nya, tauka iya lalu bedau bisi hati ka madah ngagai orang ti endang udah di temu iya beempu reta nya lalu nyimpan reta nya sampai ka orang ti beempu reta nya ngambi ari iya.Apa chara ti patut, tauka berapa lama tempoh ke patut ba utai ke baka tu iya nya munyi tu:

Enda tak semesti iya orang ti nemu reta nya mesti ka nemu sapa orang ti bendar beempu reta ke di temu iya nya tauka orang ti patut beempu reta nya, lalu chukup meh sekumbang iya ti ngena reta nya iya nemu diri sigi ukai beempu reta nya, tauka enggau ati ti manah iya ngarap ka orang ti bendar beempu reta nya enda olih di giga agi.

SEMPAMA

(a) A tetemu ke duit seringgit ba jalai raya lalu enda nemu sapa ti beempu iya. A lalu ngambi duit nya. Nyadi A ba utai ke baka tu nadai bepenyalah nitih ke genteran tu;

(b) A tetemu ka siti surat ba jalai raya lalu bisi duit seratus ringgit. Nitih ke tulis ba surat nya iya nemu sapa ti beempu surat enggau duit nya. Duit nya lalu di kena A. Nyadi A udah salah nitih ka genteran tu.

(c) A tetemu ka siti chek duit ke olih di ambi orang bukai ti mai chek duit nya. Iya enda nemu sapa orang ti beempu chek duit nya ti lenyau. Tang nama orang ti nulis chek duit nya bisi di tulis dia. A nemu orang ti di tulis nama nya tau ngasoh orang bukai ngambi duit chek nya. A lalu ngambi duit chek nya lalu enda uboh ke sapa orang ti beempu chek duit nya. Lalu A udah di temu salah nitih ke genteran tu.

(d) A meda kandi Z ti penuh duit laboh lalu ngambi kandi nya ketegal ti ka mulai ka kandi nya ngagai Z, tang iya lalu ngena duit nya ke kena iya empu. Lalu A udah di temu salah nitih ka genteran tu.

(e) A tetemu ka kandi ti bisi duit lalu enda nemu sapa orang ti beempu kandi nya. Udah nya baru iya nemu orang ti beempu kandi nya, iya nya Z. Tang udah nya iya lalu ngena duit ba kandi nya ke kena iya empu. Lalu A udah di temu salah nitih ka genteran tu.

( f ) A tetemu ka sebentuk tinchin ti berega lalu enda nemu sapa orang ti beempu tinchin nya. A lalu nyual tinchin nya serta enda ngiga sapa orang ti beempu iya, Nyadai A udah di temu salah nitih ka genteran tu.

SALAHGUNA RETA ENGGAU TUJU TI SALAH

RETI JAKO “EJEN”,”SYARIKAT, “PENGARAH”, “PEGAWAI”

SEKSYN 402A KANUN KESEKSAAN

Dikena ba Seksyen 403, 404, 405, 406, 407, 408, 409, 409A, 409B, 415, 416, 417, 418, 419, enggau 420 ba genteran undang undang tu, kelimpah ari ti nadai kaul nitih ka :

“Ejen” iya nya sapa sapa ti di padu , tauka orang ti ka di padu ka, tauka orang ti udah di padu ka, tauka orang ti bisi ati ka di padu ka ambi ka ngereja pengawa ka sebarang syarikat tauka orang, sekali ka iya nyadi ejen, kaban, tuan orang enggau kunsi beempu, kerani, kakitangan, gawa dia, penyali duit (banker), broker, tukang lelong, akitek, kerani ti bekerja , engineer, lawyer tauka kerja ke lawyer, akuantan, tukang audit, tukang sukat, pembeli, penjual, orang ti bekuasa megai sempekat (pelaksana pemeggang amanah), penyaga orang gawa (penyelia) , tukang likuidator, pemegai sempekat (pemeggang amanah) dalam reti besangkut enggau undang undang bukai ti besempekat tauka bankrap, tukang nerima, nyadi pengarah, manager, tauka sebarang pengawa ke besai pangkat ba syarikat, kelab, kerja kunsi tauka gerempong tauka dalam sebarang kaul bala maioh ke bukai sekali ka nya nengali tauka saum enggau orang bukai, tauka ba atas nama iya kediri tauka nama ketuai iya :

“Syarikat” iya nya siti gerempong dagang ti udah di kemendar ka nitih ke Undang Undang ti bisi kaul enggau iya ti agi diguna perintah baik ka sementara tauka nitih ke atur Undang Undang ti dulu ke di guna oleh gerempong kunsi :

“Pengarah” iya nya barang sapa orang ti megai pengawa nyadi pengarah ba sebarang gerempong dagang serta termasuk orang ti bejalai ka pengawa nya, tauka meri atur pengawa nyadi pengarah ba gerempong dagang nya, tauka orang bukai ti mangku pengawa nganti pengarah nya tajapan orang nya enda chukup gaya tauka pengelandk nyadi pengarah :

“Pegawai” iya nya pengawa ti besangkut paut enggau gerempong dagang :-

(a)Sebarang Pengarah, seketari tauka orang ti besai pengawa ba gerempong dagang nya ;

(b)Orang ti nerima tauka mutar ka sebarang pengawa ba cabang gerempong dagang ti udah di pesetuju ka nitih ka pemendar ba surat pemendar mangku pengawa;

(c) Sebarang tukang likuidator gerempong dagang ti udah di pesetuju ka ditutup enggau pengelantang ati tang enda nyengkaum :-

( i ) Sapa sapa ti nyadi penerima tang ukai nyadi manager gerempong dagang;

( ii ) Sapa sapa ti nyadi penerima serta manager gerempong dagang ti udah
di padu ka oleh court tauka :

( iii ) Sebarang likuidator ti udah di padu ke olih court tauka di pesetuju ka olih orang ti berutang nya.

BEGELUMU KETEGAL TI KA NGEROMPAK BEKABAN

SEKSYN 402 KANUN KESEKSAAN

Barang sapa ti nyadi siko ari orang lima iko tauka lebih ti begelumu ketegal ti ka ngereja penyalah ngerompak bekaban ka di hukum jel sepengelama sampai tujuh tahun, lalu tau mega di hukum mata duit enggau di rotan.

HUKUM KETEGAL TI NYADI SIKO ARI KABAN PENCHURI TI NGEREGAU

SEKSYN 401 KANUN KESEKSAAN

Barang sapa ti nyadi siko ari kaban ti begempung serta ngeregau tauka sebarang bagi kaban penyalah menchuri tauka ngerompak ti mesti di kerja, lalu ukai kaban perompak ka ke hokum jel sampai tujuh tahun, lalu tau mega kena hokum mata duit lalu tau mega kena di rotan.

HUKUM KETEGAL TI NYADAI SIKO ARI KABAN BALA PEROMPAK

SEKSYN 400 KANUN KESEKSAAN

Barang sapa ti nyadi siko ari kaban ti begempung serta besetuju ka ngereja penyalah ngerompak ti mesti di kerja, ka di hukum jel sepengelama datai dua puluh tahun lalu tau mega di kena hukum di rotan.

NYENDIA KA DIRI KA NGEROMPAK BEKABAN

SEKSYN 399 KANUN KESEKSAAN

Barang sapa bisi nyendia ka diri ka ngerompak bekaban , ka di hukum jel sepengelama timpoh ti datai sepuluh tahun lalu tau mega kena hukum di rotan.

SEKSYN 398 (Udah dibuai)

NGEROMPAK NGENA SENJATA TAUKA NGEROMPAK SERTA NGUJI KA NGENATAI KA PEMATI TAUKA BAKAL TI BALAT

SEKSYN 397 KANUN KESEKSAAN

Enti leboh maia ngerompak tauka ka nguji ngerompak, pesalah ti besenjata tauka ngena sebarang senjata ti tau ngasoh mati, tauka bakal ti balat ngagai orang bukai, tauka ka nguji ngenatai ke pemati tauka bakal ti balat ngagai orang bukai, orang ti bepenyalah tu tau di kena hukum di rotan kelimpah ari hukum bukai ti tau dikena nitih ka ba genteran ba undang undang tu.

NGEROMPAK BEKABAN SERTA MUNOH ORANG

SEKSYN 396 KANUN KESEKSAAN

Enti siko ari lima iko tauka lebih, sama bisi enggau ngereja penyalah ngerompak bekaban, lalu bisi munoh orang leboh ti ngerompak bekaban nya, lalu setiap iko sida ti ngerompak bekaban nya ka kena hukum bunuh tauka di hukum jel sampai dua puluh tahun, lalu tau mega enti hukum nya ukai bunuh, tau ka kena dirotan.

HUKUM NGEROMPAK BEKABAN

SEKSYN 395 KANUN KESEKSAAN

Barang sapa ngereja penyalah ngerompak bekaban ka kena hokum jel ti sampai ka dua puluh tahun, lalu tau mega kena di rotan.

ENGGAU SENGAJA NGEMAKAL KA ORANG LEBOH TI NGEROMPAK

SEKSYN 394 KANUN KESEKSAAN

Barang sapa leboh ti ngerompak tauka leboh ti nguji ka ngerompak, enggau sengaja ngemakal ka orang, nyadi orang ti ngerompak nya tauka sapa sapa ti bisi enggau iya leboh ti ngerompak nya tauka nguji ka ngerompak, ka di hukum jel sepengelama sampai ka dua puluh tahun nyentok ka sepuluh tahun, lalu tau mega ke hukum mata duit enggau hukum dirotan.

NGUJI KA NGEROMPAK

SEKSYN 393 KANUN KESEKSAAN

Barang sapa bisi di temu nguji ka ngerompak ka di hukum jel sepengelama timpoh sampai tujuh tahun lalu tau mega kena hukum mata duit.

HUKUM NGEROMPAK

SEKSYEN 392 KANUN KESEKSAAN

Barang sapa bisi di temu ngerompak ka di hukum jel dalam timpoh sampai sepuluh tahun lalu tau mega kena hukum mata duit, lalu enti timpoh maia jam sida ti ngerompak nya iya nya berengkah ari mata hari padam tengelam nyentok ka mata hari pegari tekerebak tawas hukum jel nya ka nyentuk ngagai empat belas tahun, lalu tau mega kena hukum mata duit enggau di rotan.

NGEROMPAK BEKABAN

SEKSYN 391 KANUN KESEKSAAN

Leboh orang lima iko tauka lebih sama ngereja penyalah tauka nguji ka ngerompak, tauka penyampau orang sama maioh baka nya ngerompak tauka nguji ka ngerompak, lalu semua sida ke bisi enggau maia nya mantu ngereja penyalah nya tauka nguji ka ngereja penyalah ngerompak nya betubuh lima iko tauka lebih lalu setiap iko sida ti bisi ngereja penyalah nya, nguji ngereja, endang ngereja tauka mantu ngereja pengawa ngerompak nya ka di kumbai ngereja penyalah ngerompak bekaban.

NGEROMPAK ENGGAU NGEROMPAK BEBALA MAIOH

ROMPAK

SEKSYN 390 KANUN KESEKSAAN

(1)Rompak reti nya ngereja pengawa menchuri enggau mejal.
(2)Penyalah “Menchuri nyadi Rompak”, enti niat tauka tuju ati ti ka ngereja penyalah menchuri nya, tauka ka naban, tauka naban ka reta tengkira ti udah di olih ka ngena jalai nya, orang ti ngereja penyalah nya tauka enggau sengaja ngenatai ka tauka nguji ngenatai ka ngagai orang ti di curi iya utai nya sampai ka mati, tauka bakal, tauka ngurong orang nya ngena jalai ti salah serta ngenakut ka orang nya sampai ka iya ka di bunoh tekala nya, tauka ngurong ngena jalai ti salah orang ti di curi reta tengkira nya maia ti ngenchuri reta sida iya.
(3)Penyalah “Mejal nyadi Rompak”, enti orang ti ngereja penyalah mejal nya bisi ba mua orang ti di emba tauka ditakut ke iya maia iya ngereja penyalah mejal nya, iya nya orang ti di pejal nya tauka orang bukai ka dibunoh maia nya, tauka ka di bakal ka maia nya, tauka ka di kurong maia nya, lalu ketegal ti baka nya iya ngenakut ka orang ti di pejal nya ambi ka orang nya ka nyerah ka utai ti di pinta iya ngena jalai pejal ti salah nya.

PENERANG

Orang ti ngereja penyalah nya semak tauka ngimbai orang bukai ti chukup semak ari iya ti tau sampai ka orang nya ka di bunoh, tauka ka di bakal ka, tauka ka di kurong ngena jalai ti salah.

SEMPAMA

(a)A megai Z lalu enggau chara nipu ngambi duit Z enggau barang emas dalam gari Z, lalu ukai ari pemendar Z. Ba utai ke baka tu A udah ngereja penyalah menchuri, lalu enggau tegal ti ka ngereja penyalah menchuri nya A lalu enggau sengaja ngempang Z enggau jalai ti salah. Nyadi ke tegal nya A di kumbai udah ngereja penyalah ngerompak.

(b)A betemu enggau Z ba jalai alun, lalu nuchul ka pistol sereta minta duit ari Z. Ketegal nya Z lalu nyerah ka duit iya ngagai A. Ba utai ke baka tu A udah di kumbai ngereja penyalah mejal minta duit nya ari Z laban udah ngenakut ka Z enti sema iya enda meri duit nya iya ka di kemedis ka tekala nya leboh A ti mejal iya nya. Nyadi ketegal utai baka tu A udah di kumbai ngerompak.

(c)A betemu enggau Z seduai anak Z ba jalai alun. A lalu ngambi anak Z lalu madah ka diri ka muai anak Z nya ngagai lebak ti dalam enti Z enggai meri iya duit. Nyadi Z lalu meri duit iya ngagai A. Ba utai ke baka tu A udah ngereja penyalah mejal ketegal ti minta duit ari Z laban ti ngenakut ka Z enti sema enda meri duit anak Z ka dibuai ngagai lebak ti dalam laban Z takut ke anak iya ti enggau iya dia ka di kemedis ka olih A tekala nya. Nyadi ba utai ke nyadi baka tu A udah ngereja penyalah ngerompak.

(d)A bolih reta ari Z ketegal ti madah ngagai Z, “Anak nuan udah di tan ka bala kami, lalu ka di bunoh enti nuan enda meri kami duit sepuluh ribu ringgit.” Nyadi utai ke baka tu iya nya mejal lalu tau di kira nitih ke genteran mejal tang enggai nyadi di kumbai ngerompak. Lalu enti sema Z berasai takut lalu ngumbai bala sida A nya amat ka munoh anak iya tekala nya nya baru tau di kumbai ngerompak.

NGENAKUT KA ORANG NGENA JALAI NGUMBAI ORANG NYA NGEREJA PENYALAH KETEGAL TI KA MEJAL ORANG NYA

SEKSYN 389 KANUN KESEKSAAN

Barang sapa di temu ngereja pengawa mejal, ngenakut tauka ngemba orang ngumbai orang nya udah ngereja penyalah, tauka nguji ngereja penyalah ti tau kena tinggang hokum bunuh tauka di jel seumur hidup, tauka ka kena hokum jel sampai sepuluh tahun, lalu tau mega kena tinggang hokum mata duit tauka di rotan, lalu enti penyalah nya salah siti ari penyalah ti tau di hokum nitih ke genteran seksyn 377, seksyn 377B enggau seksyn 377C, lalu iya tau kena tinggang hokum jel ti sampai sepengelama dua puluh tahun.

MEJAL NGENA JALAI NGEMBA TI NUDUH ORANG BUKAI UDAH KALA NGEREJA PENYALAH TI TAU KENA HUKUM JEL SEUMUR HIDUP TAUKA HUKUM BERAT KE BUKAI

SEKSYN 388 KANUN KESELSAAN

Barang sapa ti ditemu mejal sampai ngenakut ka orang ti sampai ke ka kena tuduh udah ngereja penyalah, tauka ka ngereja penyalah ti tau kena hukum bunuh, tauka di jel seumur hidup, tauka ka kena jel sampai sepuluh tahun tauka bisi ngasoh orang bukai ngereja penyalah nya ka kena tinggang hukum sampai sepuluh tahun, lalu tau mega kena hukum enggau mata duit, tauka di rotan ti penyalah nya salah siti ari penyalah nitih ka genteran seksyn 377, seksyn 377B enggau seksyn 377C, lalu iya tau kena tinggang hukum jel sampai ka dua puluh tahun.

NGENAKUT KA ORANG SAMPAI KE KA MUNOH TAUKA KA NGEMAKAL KA ORANG KETEGAL TI NGEREJA PENYALAH MEJAL

SEKSYN 387 KANUN KESEKSAAN

Barang sapa ti bisi niat ka mejal lalu nguji ka ngenakut ka orang sampai ke ka munoh tauka ka ngemakal ka orang ka kena tinggang hukum jel ti sampai sepuluh tahun, lalu tau mega kena hukum mata duit enggau di rotan.

MEJAL NGENA CHARA NGENAKUT TI SAMPAI KE KA MUNOH ORANG TAUKA BALAT BAKAL TAUKA BEBADI TAUKA MATI

SEKSYN 386 KANUN KESEKSAAN

Barang sapa ti mejal tauka ngemba orang bukai sampai ka madah kediri ke ka munoh orang tauka balat bakal tauka bebadi ka kena tinggang hukum sepengelama sampai empat belas tahun, lalu tau mega kena hukum mata duit enggau di rotan.

NGEMBA SERTA NGENAKUT KA ORANG NYENTUK KA SAMPAI KA BOLIH PENUSAH KETEGAL TI KA NGEREJA PENGAWA MEJAL

SEKSYN 385 KANUN KESEKSAAN

Barang sapa ti bisi tuju ka ngereja pengawa mejal, lalu ka ngemba serta ngenakut ke sebarang orang nyentuk ka tau bolih penusah ti ka nyadi ka kena tinggang hukum jel sampai ka tujuh tahun, tauka di hukum mata duit, tauka di rotan tauka sebarang dua iti hukum ti udah di sebut di atas nya tadi.

NGEMBA SERTA NGENAKUT KA ORANG NYENTUK KA SAMPAI KA BOLIH PENUSAH KETEGAL TI KA NGEREJA PENGAWA MEJAL

SEKSYN 385 KANUN KESEKSAAN

Barang sapa ti bisi tuju ka ngereja pengawa mejal, lalu ka ngemba serta ngenakut ke sebarang orang nyentuk ka tau bolih penusah ti ka nyadi ka kena tinggang hukum jel sampai ka tujuh tahun, tauka di hukum mata duit, tauka di rotan tauka sebarang dua iti hukum ti udah di sebut di atas nya tadi.

HUKUM KETEGAL MEJAL

SEKSYN 384 KANUN KESEKSAAN

Barang sapa bisi di temu salah ngereja penyalah mejal ka di hukum jel sepengelama sampai sepuluh tahun, tauka ka kena hukum mata duit, tauka di rotan, tauka sebarang dua iti hukum ti udah disebut di atas nya tadi.

MEJAL

SEKSYN 383 KANUN KESEKSAAN

Barang sapa ti sengaja ka ngenakut ke sebarang orang sampai ka ka ngenatai ka pengerusak tauka pemedis ka nyadi ba orang nya tauka ka nyadi ba orang bukai, lalu ketegal ti ngena chara nya orang ti kena emba iya nya ka nyerah ka reta tengkira iya tauka sebarang utai ti berega baka duit, tauka orang ti di emba nya ka meri chap jari ba surat sempekat (tandatangan / signature / chapjari) tauka ngechop (stamp / seal) sebarang surat ti beguna ti tau nyadi ka chagaran tauka surat pajak ka di kumbai ngereja penyalah mejal (pemerasan)

SEMPAMA

(a) A ngemba Z madah kediri ka ngeluar ka jako petenah ti ditulis iya pasal pengawa ti di kerja Z enti Z enggai meri duit ngagai A. Ketegal pengawa tu A udah mejal Z ambi ke ka meri iya duit lalu udah di temu ngereja penyalah mejal.
(b) A ngemba Z madah kediri ka ngurong menyadi Z ngena jalai ti enda beradat enti Z enggai meri chap jari ba surat sempekat lalu meri surat nya ngagai A madah kediri besemaia ka mayar duit ngagai A. Z pan enda olih enda meri chap jari ba surat sempekat nya lalu meri surat sempekat nya ngagai A. Nyadi ba utai ke baka tu A udah salah ngereja penyalah mejal.
(c) A ngemba madah kediri ka ngasoh orang ngerusak utai tanam Z enti Z enggai meri chap jari ba surat sempekat lalu nyerah ngagai A ambi ke surat nya tadi nyadi ke surat sempekat (bond) ke Z ambi ke Z nyerah ka semua hasil utai ti di tanam iya tauka Z mesti mayar duit ngagai A lalu ketegal nya Z mesti ka meri chap jari nanda surat sempekat nya lalu nyerah ka surat sempekat nya ngagai A. Ketegal pengawa ke baka tu A udah ngereja penyalah mejal.
(d) A ngemba Z madah kediri ka ngemedis ka Z sampai ka Z tau balat bakal tauka bebadi tauka mati jemah ila, ti ngasaoh Z nadai daya bukai lalu meri chap jari surat sempekat lalu ngechap surat tauka kertas puang nya lalu nyerah ka surat nya ngagai A. Z lalu meri chap jari serta ngechap surat sempekat nya lalu meri ngagai A. Ba utai ke baka tu laban surat ti udah di tanda chap jari serta di chap oleh Z nya ka nyadi surat ti tau nyadi surat sempekat ti bender serta beguna, nyadi A udah ngereja penyalah mejal.

ORANG KE KALA UDAH DI TEMU SALAH NITIH KE GENTERAN SEKSYEN 379, 380 TAUKA 382, UDAH NYA DI TEMU BISI NGEREJA PENYALAH NYA BARU NITIH KA GENTERAN ADAT

SEKSYEN 382A KANUN KESEKSAAN

Barang sapa ti kala udah di temu salah di tinggang genteran adat ba seksyn 379, seksyn 380 tauka seksyn 382, udah nya iya lalu bisi di temu baru ngereja penyalah nitih ke siti ari tiga genteran adat nya tadi iya ka di kumbai ngereja penyalah nitih ka genteran adat nya ke kedua kali.

BAUM MENCHURI TI SAMPAI KA TAU NGASOH MATI TAUKA BAKAL KETEGAL TI BEKA NGEREJA PENYALAH NYA

SEKSYN 382 KANUN KESEKSAAN

Barang sapa ti di temu baum menchuri, tauka bakani ka chara sida ka menchuri ti sampai ka tau ngenatai ka pemati, tauka bakal, tauka orang ti dicuri utai nya ka dikurong ketegal ti ka ngereja penyalah menchuri nya, ketegal ti ka ngelari ke diri udah ti ngereja penyalah menchuri tauka ketegal ti ka nyimpan reta ti olih menchuri nya tau kena tinggang adat hukum jel sampai ke sepengelama sepuluh tahun, lalu tau mega kena hokum mata duit tauka di rotan.

SEMPAMA

(a)A ngereja penyalah menchuri reta ti endang di temu iya di empu Z, lalu leboh A menchuri nya iya bisi ngembuan pistol ke berisi peluru ti dilalai ke iya dalam gari ke di kena iya menchuri nya ketegal ti ka di kena iya ngemedis ka Z enti sema Z nya tadi ka ngelaban iya leboh ti menchuri nya ka dikumbai ngereja penyalah nitih ka ba genteran adat tu.
(b)A menchuri utai dalam kandi tanchut Z, lalu ngasoh bala kaban iya ngerimbai Z ambi ke bisi ngempang Z, enti sema Z nemu diri lalu ka nanya nama utai ti ka nyadi lalu ngelaban A, tauka nguji ka nangkap A. Nyadi ba utai ke baka tu A di temu salah nitih ke tusun adat ba genteran tu.

KERANI TAUKA ORANG GAJI TI MENCHURI RETA TENGKIRA TI DIEMPU TUAN IYA

SEKSYEN 381 - KANUN KESEKSAAN

Barang sapa ti nyadi kerani tauka orang gaji, tauka diberi kerja nyadi kerani tauka orang gaji bisi ditemu ngereja penyalah menchuri sebarang reta tengkira ari tuan iya tau kena tinggang hukum jel dalam timpoh ti datai tujoh tahun lalu tau mega kena tinggang hukum enggau mata duit.

MENCURI DALAM RUMAH

SEKSYEN 380 - KANUN KESEKSAAN

Barang sapa ti ditemu mencuri dalam rumah tauka ba dalam dini dini gudang, langkau, perahu, dampa, dunju, tauka perahu ti nyadi ke alai orang tua diau bemalam tauka tau alai nyimpan reta tengkira tau kena tinggang hukum jel ti sampai ka sepuluh tahun lalu tau mega kena hukum enggau mata duit, lalu ke penyalah ti kedua tauka sepengudah nya ka kena tinggang hukum jel serta di hukum enggau mata duit serta ta mega kena hukum sipat enggau rotan.

HUKUM TEGAL PENYALAH MENCURI MOTOR BERINJIN

Seksyen 379A - Kanun Keseksaan

(!) Sapa ti ditemu mencuri sebuah motor ti berinjin tauka sebarang bagi ari rengka motor nya tau kena tinggang hukum jel dalam timpoh ti enda kurang ari setahun serta enda tau lebih ari tujuh tahun, lalu ka mega kena tinggang hukum mata duit.

(2) Sebarang bagi rengka sebuah motor, termasuk taya, rengka luar tauka dalam motor "Motor Berinjin" reti nya sebuah motor ti dipejalai ke ngena injin serta tau dikena ba atas jalai raya, lalu termasuk mega sebuah lori panjai (trailer) ke ditarit motor berinjin.

PENYALAH BA RETA TENGKIRA

MENCHURI - SEKSYEN 378 KANUN KESEKSAAN

Barang sapa ti ngambi enggau chara ti salah sebarang reta tengkira ti tau dipindah ari sebarang orang bukai enggau ukai ari jako pemendar tauka asri asoh orang ti beempu utai nya, tauka mindah ke reta orang bukai laban ti ka ngambi iya nya tau di kumbai kitai ngereja penyalah mencuri.

PENERANG KETERUBAH - Sebarang reta tengkira ti enda olih dipindah laban iya nya lekat tauka diujak tauka tumbuh ba tanah, ukai tau nyadi utai ti olih dicuri, tang iya tau dikumbai mencuri enti reta nya ke tumbuh , diujak tauka lekat ba tanah nya ditumbak tauka dichabut ari tanah.

PENERANG KDUA - Mindah ke reta tengkira ngena chara mutus ke iya tauka nebang reta nya tau di kumbai nyadi penyalah mencuri.

PENERANG KETIGA - Barang sapa ti ngasoh reta nya tau mindah ketegal ti ngena chara muai utai ti nekol ambi ke retanya olih bekinsit, tauka ngena chara mutus ka retanya ari utai bukai ambi ke reta nya olih mindah kediri empu (remote control), mega tau nyadi penyalah mencuri.

PENERANG KEEMPAT - Barang sapa ti ngasoh jelu tupi nya mindah, ka dikumbai mindah ke jelunya serta mindah ka sebarang utai ti olih dipindah ka jelu nya (baka kereta tarit ti di bai chapi) mega tau dikumbai ngereja penyalah mencuri.

PENERANG KELIMA - Pemendar ti nitih ke reti ti nyata tauka di sebut bisi pemendar ti diberi orang ti beempu reta nya , tauka orang ti bisi kuasa meri tauka bersetuju meri reta nya tau dikumbai bisi meri kuasa pemendar ngambi reta nya.

KETELADAN

(a) "A" nebang sebatang kayu ba tanah "Z", tegal ti bisi niat ka ngambi kayu nya ti diempu "Z" enggau nadai pemendar ari "Z". Ba utai ke baka tu udah aja "A" mutus tauka nebang kayu nya tegal ti ka ngambi iya, nya alai iya ka d kumbai mencuri.

(b) "A" nyimpan umpan ukoi dalam kandi iya, nyadi ngena chara nya iya ngumbai ukoi "Z" ambi ke nitih ka umpan nya. Ba utai ke baka tu, enti "A" ka ngambi ukoi nya ari ti diempu "Z" ukai ari pemendar "Z", nyadi "A" ka dikumbai mencuri ukoi nya sepengudah ukoi "Z" nya nitih ka iya.

(c) "A" nemu sebuah kereta tarit ti dibai chapi ti mai siti kotak reta. "A" lalu muru chapi nya ngagai endor bukai enggau niat ti ka ngambi kotak reta nya enggau nadai pemendar. Sepengudah kereta tarit ti dibai chapi nya mindah, nyadi "A" udah di kumbai ngereja penyalah mencuri.

(d) "A" ti kerja nyadi orang gaji "Z" serta di karap ke "Z" ngibun pesaka lama iya. Nyadi "A" enggau niat lalu naban ke pesaka lama "Z" nya enggau nadai pemendar ari "Z". Nyadi "A" ka dikumbai mencuri.

(e) "Z" ti mindah ngagai menua jauh lalu ngarap ka "A" ngibun pesaka lama iya nyentok ke iya pulai ila. Tang "A" lalu nyual pesaka lama "Z" nya tadi ngagai siti kedai ti alai orang bejual beli ke pesaka lama. Ba utai ke baka tu pesaka lama nya diempu "Z" tang iya enda olih ambi ari "Z" lalu "A" enggai nyadi di kumbai mencuri tang iya tau di kumbai kitai nadai pengelurus ngibun reta (pecah amanah jenayah).

(f) "A" nemu sebentuk tincin ba atas meja dalam rumah "Z", Ba utai ke baka tu tinchin nya sigi enggi "Z" lalu enti "A" bisi mindah ke tinchin nya enggau niat ti enda manah iya tau mega dikumbai kitai mencuri.

(g) "A" bisi nemu sebentuk tinchin ba atas jalai raya, lalu enda nemu sapa orang ti beempu tinchin nya. "A" lalu ngambi tinchin nya, nyadi "A: enggai nyadi dikumbai kitai menchuri tinchin nya tang iya tau dikumbai kitai salah guna reta (menyalahgunakan harta secara jenayaha).

(h) "A" bisi meda sebentuk tinchin ba atas meja dalam rumah "Z". Laban ti enda berani ngena tinchin nya tekala nya dia "A" lalu ngelalai ke tinchin nya ba alai bukai ti enda temu "Z" laban nangi ke tubuh iya diperesa alai ngelalai ke tinchin nya. "A" laban bisi niat ka ngambi tinchin nya lalu ka nyual nya sepengelama tinchin nya enda agi di ke ingat ke "Z". Ba utai ke baka tu "A" udah ngereja penyalah mencuri sepengudah iya ke terubah mindah serta ngelalai ke tinchin nya.

(i) "A" nyerah ka jam iya ngagai "Z", siko tukang jam ambi ke di adu laban jai. "Z" lalu mai jam nya ngagai kedai iya. "A" ti nadai berhutang enggau "Z" tau ngemendar ke "Z" nan ke jam nya nitih ke adat ti patut nitih ka undang undang lalu nan ke jam nya nyadi ke panjar. "A" lalu tama ngagai kedai jam "Z" lalu enggau chara ti enda patut lalu ngambi jam nya ari jari "Z" lalu naban ke jam nya. Ba utai ke baka tu "A" ka dikumbai masuk rumah orang enda beradat (pencerobohan jenayah dan serangan) lalu enggai nyadi dikumbai kitai mencuri laban pengawa ti dikerja iya nya ukai di kerja iya enggau enda berniat.

(j) Enti "A" berhutang ngagai "Z" tegal ti ngadu ke jam nya. Lalu "Z" nyimpan jam nya nyadi ke panjar nitih ke jalai ti patut ba undang undang, lalu "A" datai ba kedai "Z" tegal ti ka ngambi jam nya enggau enda patut ambi ke nebus panjarnya ka dikumbai kitai mencuri laban iya ti ngambi jam nya enggau chara ti enda beradat serta bisi niat ti enda manah.

(k) Lalu pia mega enti "A" bisi ngadai jam iya ngagai "Z" lalu ngambi jam nya ari "Z" nadai enggau pemendar sebedau iya mayar duit gadai nya, nyadai iya ka dikumbai ngereja penyalah menchuri laban ti ngambi jam nya enggau niat ti enda manah.

(l) "A" ngambi siti reta ti di empu "Z" enggau niat ti ka nyimpan reta nya sampai iya bolih duit ari "Z" ketegal iya ti olih mulai ke reta "Z" nya tadi. Ba utai ke baka tu "A" ngambi reta nya enggau niat ti enda manah lalu iya ka dikumbai ngereja penyalah mencuri.

(m) "A" bepangan enggau "Z" masuk ngagai gudang bup "Z" leboh maia "Z" nya nadai dia. "A" lalu mai siti bup enggau nadai pemendar "Z" ketegal ti ka macha bup nya lalu mega iya bisi niat endang ka mulai ke bup nya ti iya udah macha bup nya ila. Ba utai ke baka tu "A" sigi ngumbai diri bisi pemendar ari "Z" macha serta mai bup nya. Enti utai nya baka tu "A" jangka ati "A" nyadi "A" ukai meh dikumbai ngereja penyalah mencuri.

(n) "A" minta bantu orang tasah ari bini "Z". Bini "Z" lalu meri mata duit, pemakai serta gari ia ti endang ditemu "A" sigi enggi "Z". Ba utai ke baka tu "A" sigi beanggap ke bini "Z" endang bisi kuasa penuh tau meri reta "Z" nyadi iya enggai nyadai dikumbai kitai menchuri.

(o) "A" tu bisi beleman enggau bini "Z". Bini "Z" lalu meri reta ti berega ngagai "A" ti endang di temu "A" endang reta enggi "Z" lalu bini "Z" pan nadai bekuasa tau meri reta nya ngagai "A". Lalu enti "A" ngambi reta nya enggau niat ti enda manah iya ka dikumbai mencuri.

(p) "A" ti endang nadai hati jai lalu percaya ke reta ti endang diempu "Z" nya endang reta iya empu lalu ngambi reta nya ari "B". Ba utai ke baka tu laban "A" nadai ngambi reta nya enggau niat ti enda manah , nyadi iya enggai nyadi dikumbai kitai ngereja penyalah mencuri.

HUKUM TEGAL PENYALAH MENCURI - SEKSYEN 379

Sapa ti bisi ngereja penyalah mencuri ka kena tinggang hukum jel sepengelama timpoh ti tau sampai ngagai pengelama tujoh tahun, tauka ka kena tinggang hukum mata duit, tauka kedua dua iya sekali. Lalu ke penyalah ti kedua tauka kelebih iya udah nya, orang ti ngereja penyalah mencuri tu ka kena hukum jel serta di hukum ngena mata duit serta tau mega kena sipat ngena rotan.

NGASUT ANEMBIAK MIT NGEREJA PENGAWA BELEMAN TI SALAH (SUMBANG)

SEKSYEN 377E KANUN KESEKSAAN
Barang sapa ditemu ngasut anembiak mit ti kurang ari umur empat belas tahun ambi ke ngereja pengawa beleman ti salah (sumbang) enggau orang nya tauka orang bukai, iya tau kena hukum jel dalam tempoh sepengelama lima tahun serta lalu mega ka di hukum sipat ngena rotan.

NGEMALU KA ORANG ENDA BERADAT

SEKSYEN 377D KANUN KESEKSAAN
Barang sapa orang bisi ngereja, tauka bepekat ngereja, tauka nguji ngreja penyalah ambi ke olih dikerja orang bukai, sebarang pengawa ti ngenatai ke pemalu ngagai orang bukai ba tuggung orang maioh tauka ba alai ti enggi diri empu tau dihukum jel sepengelama tempoh sampai dua tahun.

NGEREJA PENGAWA BELEMAN NUMBONG UKAI ARI PENEKA TAUKA ARI PEMENDAR

SEKSYEN 377C KANUN KESEKSAAN
Barang sapa enggau sengaja beleman numbong orang bukai ukai ari peneka tauka pemendar orang bukai, tauka iya ngena chara ngenakut ke orang, tauka ka ngemedis ke orang bukai ka kena hukum jel enda kurang ari lima tahun serta enda tau lebih ari dua puluh tahun, lalu ka mega kena hukun di sipat ngena rotan.

HUKUM KETEGAL BELEMAN NUMBONG

SEKSYEN 377B KANUN KESEKSAAN
Barang sapa enggau sengaja ngereja penyalah beleman numbong tu enggau orang bukai ti ukai ari peneka pasang iya nya tauka ukai ari penemu pasang iya nya tauka ngena chara ngenakut ka tauka ka ngemedis ka rengka tubuh orang bukai, iya ti salah beleman numbong tu tau kena hukum jel dalam tempoh enda kurang ari lima tahun serta enda tau lebih ari dua puluh tahun serta mega ka di hukum sipat ngena rotan.

BELEMAN ENDA NITIH KE ATUR (NUMBONG)

SEKSYEN 377A KANUN KESEKSAAN
Barang sapa bisi ngereja pengawa beleman enggau orang bukai ngena chara ngemasuk ka utai iya nya ke dalam lubang burit tauka mulut orang bukai nya ke dikumbai beleman enda nitih ke atur (numbong).
PENERANG - Nama utai orang lelaki nya udah masuk, iya lalu dikumbai salah nitih ke penerang dalan tusun undang undang dalam genteran tu.

BELEMAN ENGGAU JELU

SEKSYEN 377 KANUN KESEKSAAN
Barang sapa engga sengaja beleman enggau jelu ditemu salah lalu ka kena hukum jel dalam tempoh sepengelama sampai dua puluh tahun, lalu tau mega di hukum enggau mata duit serta lalu tau mega di sipat ngena rotan.
PENERANG - Nama asal utai orang ke lelaki nya bisi masuk ngagai rengka tubuh jelu iya udah dikumbai salah nitih ke tusun undang undang dalam genteran tu.

HUKUM PENYALAH NGEREJA PONDAN (SUMBANG KADIM)

SEKSYEN 376B KANUN KESEKSAAN
(1) Barang sapa ti ngereja penyalah beleman enggau sama diri (gays / lesbians) tau kena hukum jel dalam tempoh enda kurang ari enam tahun enggau enda tau lebih ari dua puluh tahun lalu mega ka kena hukum disipat ngena rotan.
(2) Penyalah tu tadi mega diampun ti orang ke ngereja penyalah tu tadi bisi penerang ke kukuh mandang ke iya nya :-
(a) Iya enda nemu orang ke enggau iya beleman nya sama sebaka (jantina) enggau iya leboh maia seduai ti beleman nya, ke alai seduai iya bisi salah nitih ke undang undang, agama, adat asal tauka ba bagi atur ke tau ngasoh seduai iya jadi melaki bini enggau pasang iya nya.
(b) Pengawa beleman ke baka tu ti ukai ari peneka orang ke dibai iya beleman nya.
PENERANG - Orang indu ti beumur kurang ari enam belas tahun tauka orang lelaki ti beumur kurang ari tiga belas tahun tau dikumbai bedau bisi runding ngumbai peneka diri dalam besetuju kediri empu ka ngereja penyalah ke baka tu.

BELEMAN LELAKI ENGGAU LELAKI TAUKA INDU ENGGAU INDU

SEKSYEN 376A KANUN KESEKSAAN
Reti jako Sumbang Kadim tauka Sex Diluar Tabii nya dikumbai kitai Iban ba orang lelaki tauka indu ti beleman enggau pangan diri baka bala Gays enggau Lesbians.
Orang ke dikumbai salah ngereja pengawa sumbang kadim tu laban iya sengaja ka beleman enggau orang ke sama sebaka enggau iya, ke alai pengawa ke dikerja sida tu enda dikemndar ka undang undang perintah ti ngemendar ke seduai tu tau jadi baka ke melaki bini, baik ke salah ba undang undang agama, adat asal tauka sebarang undang undang bukai ti megai atur ti tau dikena bejadi ke seduai nya.

HUKUM KETEGAL SALAH MASONG ORANG INDU

SEKSYEN 376 KANUN KESEKSAAN
Barang sapa ditemu salah laban ngerogol, iya ka dihukum jel enda kurang ari lima tahun serta enda tau lebih ari dua puluh tahun, serta mega lalu ditambah ke hukum dirotan

MASONG ORANG INDU (ROGOL)

SEKSYEN 375 KANUN KESEKSAAN
Orang lelaki ditemu salah "Ngerogol", kelimpah ari kes ti enda di serangkung aum, iya beleman enggau indu dalam chara ti baka tu : (a) enda nitih ke peneka indu nya empu ;
(b) ukai ari pemendar indu nya empu ;
(c) ari pemendar indu nya empu laban iya takut kediri dibunuh tauka ka dipedis rengka tubuh, tauka laban enggai ke orang bukai tau bulih pemedis tauka ka ari salah penemu lalu lelaki nya nemu diri diberi pemendar beleman enggau iya ketegal beserekang penemu nya tadi ;
(d) enggau pemendar indu nya empu leboh lelaki nya nemu diri ukai laki iya ti dikemendar ke perintah nitih ke undang undang, lalu indu nya percaya lelaki nya tadi endang laki iya tang lelaki nya orang bukai ke ngasoh iya saru alai iya ngemendar ke laki nya beleman enggau iya ( baka indu mabok ke beleman enggau laki bukai ketegal saru dikumbai laki iya) ;
(e) enggau peneka indu nya empu laban iya enda nemu nama utai ti tau nyadi ketegal iya ti ngemendar ke lelaki nya beleman enggau iya ;
(f) enggau pemendar tauka enda ari indu nya empu, enti leboh indu nya berumur kurang ari enam belas tahun.
PENERANG - Chukup meh enti leboh utai orang ke lelaki nya tama ngagai utai orang ke indu nya udah chukup alai di kumbai salah ngereja pengawa ngrogol.
KELIMPAH ARI - Beleman antara lelaki enggau bini iya ke bendar nitih ke undang undang perintah ti ditulis, sementara iya dikemendar ka tauka ditemu dalam undang undang menua kitai nya dikemendar ka, ukai dikumbai rogol.
PENERANG 1 - Orang indu ti :-
(a) diau enda begulai enggau laki iya ari atur ti ka di perintah sarak tauka beserara nitih ke atur ti enda meruan, tauka
(b) udah bisi pemendar ari court (injunksi) enggau pemendar ti ditulis naggang laki iya beleman enggau iya.
ka dikumbai ukai bini iya nitih ke tusun dalam genteran tu.
PENERANG 2 - Orang indu ti beragama Muslim ke diau enda begulai enggau laki iya sementara nganti sarak (waktu iddah) nitih ke undang undang syara' ka dikumbai ukai bini iya nitih ke dalam tusun genteran tu.

JAKO PENGELALU

Nama aku John Adam Ak Gilbert Anyai, udah bebini lalu bisi anak dua iko. Siko indu lalu siko lelaki. Anak aku ke tuai benama Elizabeth Rosaliliaw lalu ke biak nama Crispian Elvyn Rangga. Aku bebini ngambi Mingat Ak Bundak. Aku kerja nyadi Polis di Balai Polis Pusat, Miri. Aku di kumbai kami semenua Apairosa, berasal ari Serudit, Paku, Spaoh, Betong tang diau netap di Brayang, Roban. Rumah panjai aku iya nya bilik no.7, Rumah Undi, Sungai Kemuntang, Brayang, Roban. Aku mega bisi blog ke bukai iya nya ApairosaHelpline, ApairosaOnline enggau Adat Bansa Iban. Lalu arap ke kita tau ngabas meda semua blog aku nya ke dikunsi aku enggau kitai maioh.

Terima kasih ke kita ti olih ngelimpang kediri meda blog aku tu. Ngena peluang tu aku nguji mantu kita mutar ke penusah ti nuntong kita bersangkut paut enggau Undang Undang dalam menua kitai di Malaysia ditu. Aku arap ke kita anang malu mantai ka serabana kita munyi ti dikenang bala pemacha bukai ba Radiokitai.com ke selalu enggau aku kunsi ke forum besangkut paut enggau Undang Undang menua kitai, serta enggau penusah rama kitai kemaia tu hari ke nyadi penanggul tauka pengirau kitai ngidup kediri besari sari.

Terima kasih.